InfoHub Logo

Taqyryby: «Búgingi mektep túlegi - erteńgi eldiń tiregi...»
Maqsaty: Oqýshylardyń Qazaqstan týraly bilimderin keńeıtý.
El tarıhyn bilý. Qazaq eline degen súıispenshiligin arttyrý, týǵan jerin, Otanyn súıýge shaqyrý. Oqýshylardyń sóıleý qabiletin damytý, óz oıyn erkin jetkizýge, tarıhı oqıǵalardy esine saqtaýǵa daǵdylandyrý
Tárbıelik sharanyń túri: Juptyq saıys

İ. Uıymdastyrý bólimi: (tárbıelik sharanyń júrý barysymen tanystyrý)
Tárbıelik sharanyń júrý barysy: (oqýshylardy eki topqa bólip ótkizý)
1 - bólim: "Men elimniń patrıotymyn! " Táýelsiz el merekesine arnaý.
2 - bólim: " Erteńgi eldiń tiregi - bilimdi urpaq " (suraq - jaýap)
3 - bólim: " Kim kóp biledi? "
4 - bólim: "Men elimdi ánge qosyp maqtan etemin!!! " (merekelik tartý)

İİ. «Oı shaqyrý» strategıasy
Júrgizýshi: Qazaqpyn, eńseli elmin egemendi,
Muhıttyń ar jaǵynda jatqan jurttar
Keńeıttim keń álemge keregemdi.
Tanydy tepe - teń dep terezemdi.- degendeı, Armysyzdar, qurmetti ustazdar, ata - analar jáne de táýelsiz elimizdiń tiregi elimizdiń bilimdi bolashaǵy, oqýshylar! Búgingi Táýelsizdigimizdiń 25 jyldyǵyna arnalǵan «Búgingi mektep túlegi - erteńgi eldiń tiregi...» atty merekelik keshimizge qosh keldińizder! Bıyl úlken mereke. Táýelsizdik alǵanymyzǵa 25 jyl toldy. 1991jyly 16 jeltoqsan - tarıhyndaǵy uly kún. Táýelsizdik - bizdiń eń basty baqytymyz. Azattyq qazaq halqynyń ejelgi armany edi. Táýelsizdik - dep atalatyn asqaq arman jolynda qanshama qan tógildi, qanshama batyr mert boldy. Osy arpalysty jaı tilmen tarıh deıdi. Endnshe tarıh betine taǵy bir zer salsaq
beınerolık: / Jeltoqsan oqıǵasyna deıin/

Júrgizýshi: Tarıhymyzda erekshe orny bar, halqymyzdyń qasiretti men ar - namysyna, sonymen birge maqtanyshyna aınalǵan oqıǵa - bul 1986 jylǵy Jeltoqsan oqıǵasy. Qazaq halqyn dúnıe júzine tanytqan bul oqıǵanyń alǵashqy qurbandary Qaırat Rysqulbekov, Lázzat Asanova, Jansaıa Sabıtova, Erbol Sypataev. 1986 jylǵy Jeltoqsany búkil ultymyzdyń janyn jaralap, júregine yzǵar shashyp ketti, bostandyq úshin órimdeı jap - jas qyz - jigitter qurban boldy. Endeshe, jeltoqsan oqıǵasynyń qurbandaryna, elge degen qurmetimizdi bildirýge arnalǵan 1 - bólimimizdi bastaıyq... Mánerlep oqý "Men elimniń patrıotymyn!" (úı tapsyrmasy) Eki top oqýshylary daıyndap kelgen óleńderin oqıdy.

Júrgizýshi: Qasıetti Qazaqstanym mekenim,
Elim, jerim, Otanym – baq - dáýletim,
Aqıqattyń altyn besigi ekensiń.
Bolashaǵym, óner - bilim, órkenim - degendeı, ári qaraı İİ - bólim: " Erteńgi eldiń tiregi - bilimdi urpaq "

I top.
1. Táýelsizdiktiń túp tamyry Jeltoqsan oqıǵasyna bıyl neshe jyl?
2. Qazaqstanda qansha oblys bar?
3. Qazaqstan Respýblıkasynyń eltańbasy avtorlary kimder?
4. Q. R Prezıdenti Nursultan Ábishuly Nazarbaevtyń týǵan kúni men týǵan jyly.
5. Q. R shekaralas memleketterin ata.
6. Astanadaǵy “Báıterek” monýmentiniń bıiktigi qansha?
7. Q. R.- nyń táýelsizdigin moıyndaǵan alǵashqy memleket

Iİ top.
1. 2008 jyl Astananyń sol jaǵalaýyndaǵy ásem de, záýlim ǵımarat boı kóterdi. Bul qaı monýment?
2. Memleket rámizderin ata
3. Memlekettik ánuran avtorlary kimder?
4. Qazaqstannyń eltańbasynda ne beınelengen
5. Jeltoqsan oqıǵasyna qatysqan qazaq jastarynan kimderdi bilesiń
6. Q. R Halyqaralyq ulttyq valútasy teńge engizilgen jyl
7. Qazaqstan BUU múshe bolyp qabyldanǵan jyl.
8. Qaırattyń sońǵy sózinen úzindi keltir.
3 - bólim: " Kim kóp biledi? " Maqaldyń jalǵasyn taýyp, sheshendik sózderden jarys ótkizý.

I top. Bilekti birdi jyǵady,.................................... Iİ - top. Qyna tasqa bitedi,.......................................
Ádeptilik belgisi,........................................... Er bir óledi,....................................................
Jaqsydan úıren,................................ Talap - talmas...................
Sheshendik sózderdi aıaqtaıdy jáne mazmunyn tolyq ashady.
I - top. 1 Sózdiń atasy – birlik,........................... (anasy - shyndyq) Iİ - top. Qaı sheshenniń aıtqan tóreligi ekenin tabady.
2 Aradan shyqqan jaý qıyn,......................... (taýsylmaıtyn daý qıyn) 1 «Jaqsy jigit belgisi: túzde – myrza, úıde – qul» (Tóle bı)
2 «Biz qazaq degen mal baqqan elmiz, eshkimge soqtyqpaı jaı jatqan elmiz» (Qazybek bı)
4 - bólim: "Men elimdi ánge qosyp maqtan etemin!!! " (merekelik tartýdy muǵalim aldyn ala daıyndap qoıady) 1 Án aıtý. 2 Bı bıleý

Qorytyndy.
Júrgizýshi: Taǵdyry tutas, tilegi uqsas Qazaqstan halqy osy kezeńde ǵasyrlyq máni bar ǵalamat tabystarǵa jetkizip otyr. Biz Altaı men Atyraý, Arqa men Alataý arasyndaǵy ulanǵaıyr dalada birligi bekem, ulysy uıysqan, qýatty memleket qurdyq Qubylǵan zamanda qubylysynan jańylmaǵan Qazaqstan damýdyń ózindik dańǵyl jolyna tústi. Az ýaqytta alapasy artqan alash jurty áleýeti asqan, dáýleti tasqan, irgesi bıik, bedeli zor aıdyndy elge aınaldy. Batys pen shyǵysty elimiz órkenıetter úndestiginiń jeruıyq bıigi sanaldy. Esildiń boıyndaǵy eńseli Elordamyz Eýrazıadaǵy baısaldy turaqtylyqtyń altyn arqaýyna baılandy. İzgilik nuryn shashqan Astana rýhy kúlli álemge beıbitshilik pen kelisimniń kıeli kiltin usyndy. Bıyl el táýelsizdiginiń 20 jyldyǵy atap ótetin Qazaqstan osylaısha jasampaz jańa dáýirge qadam basty. Osynyń bári bizdiń urpaqtyń mańdaıyna jazylǵan, peshenesine buıyrǵan aıryqsha baq ekenin sezinýimiz kerek, umytpaýymyz kerek.
Hor: «Kók týdyń jelbiregeni» (slaıdttaǵy beınerolıkke barlyq bala qoldarynda jalaýshalarymen ánge qosylady)
Kelesi kezdeskenshe aman, saý bolyńyzdar!

Atyraý oblysy, Atyraý qalasy,
№12 F. Dosymova atyndaǵy orta mektebiniń
bastaýysh synyptary boıynsha oqý isiniń meńgerýshisi:
Daýletova Aıgýl Kenesovna

Búgingi mektep túlegi - erteńgi eldiń tiregi... júkteý