InfoHub Logo

Telejúrgizýshi Dana Nurjigit, belgili aktrısa Merýert Ótekeshovanyń Maııa Bekbaevaǵa bergen suhbatynan keıin qatty áserlengenin aıtty. Óner ıesiniń qazirgi jaǵdaıy jýrnalıstiń júregin aýyrttyrdy.

Bul týraly Infohub.kz aqparat agenttigi habarlaıdy.

Aqylǵa syımaıtyn ádiletsizdik

Dana Nurjigit Merýert Ótekeshovany «ıntellıgensıanyń úlgisi» dep atap, onyń sulý kelbeti men názik bolmysymen qatar, ómirdegi úlken synaqtarǵa da tótep bergenin atap ótti. Aktrısanyń Astanada páter jaldap turatynyn estigende, jýrnalıs qatty tańǵalǵanyn jasyrmady. Ol muny «aqylǵa syımaıtyn ádiletsizdik» dep baǵalady.

«Qyz Jibek» fılmin saqtap qalǵan erlik

Sondaı-aq, Dana Nurjigit Merýert Ótekeshovanyń ónerge sińirgen eńbegin, ásirese «Qyz Jibek» fılmin saqtap qalýdaǵy erligin erekshe atap ótti. Gorbachev kezinde qor ashyp, bir tıynyn da shashpaı, fılmdi Máskeýdegi arhıvten qaıta jazdyryp, elge jetkizgenin joǵary baǵalady.

Qurmet sózben emes, ispen kórsetilýi tıis

Telejúrgizýshi aktrısanyń elordada «Qyz Jibek» pen Tólegenge eskertkish qoıý týraly bastamasyn da qoldady. Sóz sońynda ol óner adamdaryna degen qurmetti tek sózben emes, naqty qoldaýmen kórsetý kerektigin jetkizdi. «Eń úlken qurmet – Qyz Jibegimizdiń jaǵdaıyn jasap, oǵan laıyqty ómir syılaý. Bul býyn eshqashan qol jaımaıdy, barǵa qanaǵat etip, joqqa shúkir deıdi», – dep oıyn túıindedi.