InfoHub Logo

Tanymal amerıkandyq akter Erık Deınniń ómirden óter aldynda bergen sońǵy suhbaty jaryq kórdi. "Anatomıa strastı" jáne "Eıforıa" sıaqty tanymal týyndylar arqyly kórermen júreginen oryn alǵan akterdiń bul suhbaty "Famous Last Words" jobasy aıasynda jarıalandy. Bul jobaǵa tek akterdiń ózi ruqsat bergen, qaıtys bolǵannan keıin ǵana jarıalanatyn materıaldar kiredi.

Bul týraly Infohub.kz aqparat agenttigi habarlaıdy.

Qyzdaryna arnaǵan aqtyq sózderi

Suhbattyń sońynda Erık Deın óz qyzdary Bıllı men Djordjıaǵa arnap júrekke jylylyq uıalatar sózderin aıtty. Ol óz ómirin, basynan ótkergen sátterin eske alyp, qyzdarymen ótkizgen árbir kúndi baǵalaıtynyn jetkizdi. "Jaǵajaıda birge ótkizgen ýaqytymyz esimde... Bul – eń keremet kúnder edi", – dep tolǵanyspen bólisti akter.

Ómir týraly ósıet

Akter óziniń aýyr dertke shaldyqqany týraly aıtyp, bul jaǵdaıdyń ómirge degen kózqarasyn qalaı ózgertkenin jetkizdi. Ol qyzdaryna ómirdiń árbir sátin baǵalaýǵa, janyna jaqyn istermen aınalysýǵa jáne qasyndaǵy jandardy qadirleýge shaqyrdy. "Bar kúshterińmen kúresińder. Eshqashan berilmeńder. Bul aýrý denemdi álsiretse de, rýhymdy ala almaıdy. Sender – meniń júregimsińder. Men senderdi jaqsy kóremin. Bul – meniń sońǵy sózim", – dep sózin aıaqtady.

Amerıkalyq akter Erık Deın 53 jasynda ómirden ozdy. Onyń otbasy bul qaıǵyly jańalyqty rastady. NBC News málimetinshe, akter ótken jyldyń kókteminde búıirlik amıotrofıalyq skleroz dıagnozy qoıylǵanyn ózi habarlaǵan bolatyn. Akter sońǵy kúnderin jary, eki qyzy jáne jaqyn dostarynyń ortasynda ótkizgen.

Erık Deın "Anatomıa strastı" serıalynda doktor Mark Sloan rólin somdap, HBO-nyń "Eıforıa" jobasynda Kel Djeıkobs keıipkerin oınady. Sondaı-aq, ol birneshe fılmde de óner kórsetken.