InfoHub Logo

Latyn álipbıine kóshemiz degenshe eki nusqanyń basyn shalyp kórdik. Áýelgisi qazaqqa tán dybystardy dıgrafpen, odan keıingisi apostroftarmen kómkerdi. Menińshe latynǵa kóshý degen - tek aǵylshynda bar áripterdi qoldaný degen sóz emes. Tipti aǵylshyndarǵa týys bolyp keletin nemisterdiń ózi nemis klavıatýrasyna óz esebinen úsh árip qosyp qoıǵan. Klavıatýra degennen shyǵady, latyn álipbıine kóshken elderdiń derlik barlyǵynda klavıatýra bar, nege bir álipbıdi qoldana otyryp árqaısysynyń óz klavıatýrasy bar..? Óıtkeni árqaısysynyń ǵasyrlar boıy qalyptasqan ózindik dybystary bar, oǵan árıne aǵylshynnyń sanaýly áripteri jaýap bere almaıdy. Sondyqtan latyn álipbıine kóshken ár el ózine tán dybystarmen tańbalar sanyn tolyqtyryp qoıdy, sol sebepti túrik klavıatýrasyn bylaı qoıǵanda nemisterdiń de, danıalyqtardyń da klavıatýrasy bar. Ár halyqtyń tilinde ózine tán dybys bar dedik, sondyqtan árqaısysynyń ózine tán klavıatýrasy bar dedik. Qazaqta she? Osy álemdegi tilderdiń dybysy jaǵynan qazaq tiline teń keleri joq shyǵar, Á, Ǵ, Q, Ó, Ń, U, Ú, onyń bárine apostroftardy qoldanatyn bolsaq... jazý jyldamdyǵymyz tómendep ketedi. Biz kompúterge sáıkes kelý jolyn qarastyryp jatyrmyz, ol túsinikti. Sol kompúterge Á, Ǵ tektes tańbalardy engizgendeı latynshaǵa qosqan tańbamyzdy da engize almas pa ekenbiz? Báribir bizdiń dybysymyz aǵylshyndar úshin túsiniksiz, "A"-ǵa "E"-ni qosyp jazsaq ta, apostrofty qosyp jazsaq ta, "Á" ózimizdiń janymyzda qalatyn árip. Endeshe, men de óz nusqamdy usynyp kóreıin. Másele álipbı qurastyryp, tarıhta atyńdy qaldyrý emes, másele qazaq tininiń jazýdaǵy jeńildiginde, kórkemdiginde bolyp tur. Qazaqstan azamaty retinde men de óz usynysymdy jasaýǵa qaqym bar dep oılaımyn. Eger apostroftardy qalamaıtyn bolsańyzdar, meniń usynysyma kóz júgirtip, oı eleginen ótkizesizder degen úmittemin.

---