InfoHub Logo

Majarstan Úkimeti qazaqstandyq stýdentter úshin 200 grant bólip otyr. Bul týraly OKQ-da ótken baspasóz máslıhatynda QR BǴM zań qyzmeti men halyqaralyq yntymaqtastyq departamenti dırektorynyń orynbasary Aqerke Abylaıhan málim etti.

«Majarstannyń Adamı resýrstar mınıstrligi men Qazaqstan Respýblıkasynyń Bilim jáne ǵylym mınıstrligi arasynda 2013 jyly qol qoıylǵan bolatyn. Qazirgi ýaqytta kelisimge ózgerister engizildi. Iaǵnı, búgingi tańda Qazaqstan azamattaryna Majarstan Úkimeti tarapynan 200 grant bólinedi. Onyń 90 granty bakalavrıat, 90 granty magıstratýra, 20 grant doktorantýra boıynsha bólinbek. Oqý quny tegin. Sonymen qatar, biz jaqtan barǵan jastar aılyq shákirtaqy alady. Naqtyraq aıtqanda, bakalavrıat pen magıstratýrada shákirtaqy 130 eýro bolsa, doktorantýrada 420 eýroǵa deıin bolady. Stýdentter jataqhanamen qamtamasyz etiledi. Medısınalyq qyzmet kórsetý jaǵy da Majarstan Úkimeti tarapynan tólenedi. Jol shyǵynyn shákirtaqyǵa ıe bolǵan stýdentter ózi kóteredi», - deıdi ol.

Aqerke Abylaıhan sonymen birge, eki el arasynda tikeleı áýe reısi bolǵandyqtan, stýdentter almasý úrdisinde bul óte jaǵymdy jańalyq bolyp otyr.

«Granttar boıynsha 2018 jyldyń 16 aqpanyna deıin onlaın-tirkeý ótkizilmek. Iaǵnı, BǴM mınıstrliginiń saıtynda qazir qajetti aqparat tur. Ol jerden stýdentter ózine qyzyqty málimetpen tanysa alady. Ol saıttaǵy silteme boıynsha «Hýngarıým Stıpendıým» saıtynda tirkelýi kerek. Bul tirkeý 14 aqpanǵa deıin jalǵasady. Kez kelgen stýdent sol tirkeý arqyly qandaı JOO-ny, qandaı mamandyqty tańdaýǵa bolatyny kórsetilgen», - deıdi Aqerke Abylaıhan.

Majarstanda oqý tili - aǵylshyn tilin tańdaǵan azamattarǵa aǵylshyn, sonymen birge majar tilinde oqýǵa bolady. Barlyq qujattardy qabyldaý BǴM halyqaralyq baǵdarlamalar ortalyǵynda qabyldanady. Baıqaý irikteýinen ótken azamattardyń qujattary Majarstan tarapyna joldanyp, sońǵy sheshim sol jatqa qabyldanady.

Qujatty tapsyratyn azamattardyń jasy - 2018 jyldyń 1 qyrkúıekke deıin 18 jasqa tolýy kerek. Iaǵnı, stýdenttiń jasy 2000 jylǵy 31 tamyzdan keıin bolýy kerek. Barlyq qujattar tizimi BǴM saıtta ornalasqan.

---