e-qazyna.kz
Burynǵy mıllıarder Balýshkın zaýytynyń jańa ıesi anyqtaldy
Burynǵy mıllıarder, sottalǵan Anatolıı Balýshkınge tıesili Óskemendegi «Azıa Avto – Bıpek Avto» avtozaýytynyń qurylysy aıaqtalmaǵan nysany Shyǵys Qazaqstan oblysy ákimdiginiń balansyna berilip jatyr. Bul týraly Infohub.kz aqparat agenttigi habarlaıdy.
Zaýyt ákimdikke tegin berildi
Oblys ákimdiginiń habarlaýynsha, konfıskelengen múlik ákimdik balansyna tegin berilgen. Ákimdik bul aýmaqty kásipkerlik pen ónerkásipti damytý úshin paıdalanýǵa nıetti.
Zaýyt aýmaǵyndaǵy múlikter
Zaýyt aýmaǵyndaǵy taýarlar men materıaldardyń jalpy quny shamamen 124 mıllıon teńge dep baǵalanǵan. Onda 37 myńnan astam múlik bar.
«Bıpek Avto» isi
Anatolıı Balýshkın 2021 jyly asa iri kólemdegi alaıaqtyq jasaǵany úshin qylmystyq is boıynsha izdeýge berilgen bolatyn. Keıinnen, 2025 jyly ol 9 jylǵa bas bostandyǵynan aıyrylyp, sottaldy. Onyń sybaılasy Erik Saǵymbaev ta 8,5 jylǵa bas bostandyǵynan aıyryldy. Ekeýi de syrttaı sottaldy.
Sot Balýshkın men onyń sybaılasynyń 2013-2020 jyldary aralyǵynda «Azıa Avto – BIPEK Avto» arqyly 66 mıllıard teńge nesıe alyp, ony jymqyrǵanyn anyqtady. Memleketke keltirilgen jalpy shyǵyn 173 mıllıard teńgege baǵalanǵan.
-
Qazaqstanda medısınalyq joǵary oqý oryndaryndaǵy bilim berý merzimin 7 jylǵa deıin uzartý usynysy talqylanýda. Bul ózgeris dárigerlerdiń daıarlyq sapasyn arttyrýǵa baǵyttalǵan.
-
Aqtóbede turǵyn úı qatynastary bóliminiń burynǵy basshysy Jandos Álimovke qatysty sot úkimi shyqty. Ol qyzmetin asyra paıdalanǵany úshin kináli dep tanylyp, alty jylǵa bas bostandyǵynan aıyryldy.
