Photo: Ayazhan (https://www.pexels.com/@ayazhan-3173683) / Pexels
Memlekettik baspanany tanys-tamyr arqyly taratqan sheneýnik túrmege toǵytyldy
Aqtóbede memlekettik baspanany zańsyz taratqan sheneýnikke qatysty sot úkimi jarıalandy. Burynǵy turǵyn úı qatynastary bóliminiń basshysy Jandos Álimov qyzmetin asyra paıdalanǵany úshin kináli dep tanylyp, alty jylǵa bas bostandyǵynan aıyryldy.
Bul týraly Infohub.kz aqparat agenttigi habarlaıdy.
Tártip buzylǵan
Sot otyrysynda Álimovtiń kezekte turǵandardy aınalyp ótip, tanystaryna, týystaryna jáne jerlesterine baspanany kezekten tys berip otyrǵany anyqtaldy. 2021 jyldan 2024 jylǵa deıingi aralyqta ákimdiktiń balansyndaǵy keminde 15 páter osylaısha zańsyz rásimdelgen.
Kezektiń sońyndaǵylarǵa da baspana buıyrmaǵan
İs materıaldarynda kórsetilgendeı, kezekte myńynshy orynda turǵan azamat aldymen bólme, keıin páter alyp, ony keıinnen qymbat baǵaǵa satyp jibergen. Mundaı jaǵdaılar basqa da baspana ıelerimen de oryn alǵan.
Sheneýnik kinásin moıyndamady
Jandos Álimov sotta ózine taǵylǵan aıyptardy moıyndamady. Ol óziniń bes balasy bar ekenin, memlekettik qyzmette 17 jyl jumys istegenin jáne eshqandaı zańsyzdyq jasamaǵanyn aıtty. İsti qaraý tórt aıǵa jýyq ýaqytqa sozyldy.
Sot úkimimen Álimovke ómir boıyna memlekettik qyzmette jumys isteýge tyıym salyndy.
-
Óskemendegi «Azıa Avto» zaýytynyń qurylysy aıaqtalmaǵan nysany Shyǵys Qazaqstan oblysy ákimdiginiń balansyna ótti.
-
Qazaqstannyń Tuńǵysh Prezıdenti Nursultan Nazarbaevtyń shóberesi Lora Álıeva TikTok áleýmettik jelisinde kontent jarıalaı bastady. Ol ákesi jaǵynan atasy men aǵasyn eske aldy.
