Bıik óksheli aıaqkıimniń zıany
Áıelder qaýymynyń bıik óksheli aıaq kıimge áýes keletini belgili. Alaıda densaýlyq turǵysynan munyń zıanyn biri bilse, biri bile bermeıdi. Aıaqtyń ókshe jaǵy dene salmaǵynyń 60 paıyzyn, al aldyńǵy bóligi 40 paıyzyn kóteredi. Bıik óksheli aıaqkıim kıgende aýyrlyq ortasy alǵa qaraı aýytqyp, júris qalpy buzylatyndyqtan jáne aldyńǵy bóligine tym kóp salmaq túsetindikten bel men omyrtqa, tize men aıaq saýlyǵy edáýir mólsherde zıan shegedi. Aıaqtyń aldyńǵy bóliginiń deformasıaǵa ushyrap, jalpaıýyna, bashpaılardyń qurylymynyń ózgerýine sebep bolady. Mundaı aıaqkıimniń qolaısyzdyǵy men baltyr bulshyq etteriniń durys jumys istemeýiniń áseri varıkoz dertine alyp keledi. Tepe-teńdik tez buzylatyndyqtan qulap jaraqattaný jaǵdaıy kóp kezdesedi.
Aıaqtyń saýlyqty bolýy úshin aıaqkıimniń ókshesi 4 santımetrden aspaýy qajet. Aıaq kıim tar bolmaýy tıis, bashpaı tarapy súıir, úshkir bolmaýy, tabany tym qatty bolmaǵany jón. Biraq aıaqtyń jaǵdaıyna qaraı qatty tabandy aıaqkıimder quptalatyn kezder de bolady. Barlyq jaǵy birkelki tep tegis jaı taban bolýy da quptalmaıdy. Terisi jumsaq bolǵany abzal. Eń mańyzdysy aıaqqa eń qolaıly bolatynyn, aıaqtyń yńǵaıly sezinetinin tańdaǵan jón. Sıntetıkalyq shulyqtardy kımegen durys. Aıaq saýlyǵyn qorǵaýdyń eń jaqsy joly jalpy densaýlyqqa mán berý, artyq salmaq qospaý jáne yńǵaıly aıaq kıim kıý.
Hırýrg dáriger Meıirjan Erman
Oqýǵa keńes beremiz:
Sporttyq aıaq kıim tańdaýda kómektesetin 10 fakt
Ishıas
Osteoporoz
You Might Also Like
-
Tezek tóreniń jalǵyz balasy ólgende úsh kúnge sheıin kómbeı balasyn qımaı otyrǵan. Sonda ózi 80 jasta edi. Sol kezde óziniń qol astyndaǵy halqy jınalyp eshqandaı jaýap bere almaı otyrǵanda, Qyzylbórik...
