InfoHub Logo

2016 jylǵy qyrkúıekten bastap mektepterdegi qaǵaz eseptilikke tyıym salynady. Bul týraly keshe Astanada halyqqa esep berý kezdesýinde QR Bilim jáne ǵylym mınıstri Erlan Saǵadıev málimdedi.

«Muǵalimderdiń eseptilik qujattaryn toltyrý mashaqaty qıyn másele, degenmen de bul baǵytta eleýli jumystar atqaryldy. Osy rette 2016 jyldyń qyrkúıeginde mektepterde qaǵaz júzindegi eseptilikke tyıym salý maqsatyn aldymyzǵa qoıyp otyrmyz. Bul turǵyda jumystar úsh baǵytta júrip jatyr. Birinshisi, QR BǴM-nyń İT-departamentin kúsheıtýge negizdelgen. Qazirgi kezde osy sharalarmen aınalysýdamyz, qajetti mamandardy qabyldap, olardyń qyzmetin keńeıtýdemiz. Bul óz kezeginde jekelegen málimetter bazasyn biryńǵaı júıege biriktirýge múmkindik beredi. Atalǵan jumystar eseptilikke qatysty jaǵdaıdy naqty sýretteýge yqpal ettedi », - dedi E. Saǵadıev.

Budan bólek ekinshi baǵytqa toqtalǵan mınıstr: «Bizde Qazaqstandaǵy árbir vedomstvo mekteppen tikeleı baılanysyp, eseptilikti talap etý quqyǵyna ıe bolǵan edi. Biz tıisti ózgertýler engizdik. Jaqynda Prezıdent balalar quqyǵyn qorǵaý zańnamasyn qabyldady, osy oraıda bul zańda QR BǴM mektepterden eseptilikti talap etetin jalǵyz organ bolyp tabylatyndyǵy týraly norma bar», - dedi.

Úshinshiden, endi Bilim jáne ǵylym mınıstrligi talap etetin eseptilikti retke keltirýge mán beriledi.

«Endi aqparat alǵylaryńyz kelse, mektepke barmaısyzdar, ıaǵnı  mınıstrlikke suraý jasaısyzdar. Osy rette biz muǵalimderdi qorǵaımyz. Biz ózimizdiń ishki eseptilikti qysqartyp, retke keltirýimiz qajet. 2016 jyldyń 1 qyrkúıeginen bastap qaǵaz eseptilikke tyıym salyp, onyń kólemin aıtarlyqtaı qysqartýdy kózdep otyrmyz»,-dep túıdi sózin mınıstr.

---