InfoHub Logo

«Elińniń uly bolsań, Elińe janyń ashysa, azamattyq namysyn bolsa, qazaqtyń ulttyq jalǵyz memleketiniń nyǵaıyp – kórkeıýi jolynda jan terińdi syǵyp júrip eńbek et. Jerdiń de, eldiń de ıesi óziń ekenińdi umytpa!» (N.Nazarbaev).

Talaı – talaı qas batyrlar janyn qıyp, qorǵap qalǵan, talaı arýlar mahabbat qurbany bolǵan, talaı ózegi órtengen ókinishti jandar men qýanyshtan júregi jaryla shattanǵan pendelerdiń kýágeri bolǵan qasıetti Otanymyz – Qazaqstan!

Qazaqstan – táýelsiz el. Sol táýelsizdik jolynda qazaq babam ne kórmedi deseńizshi?! Elimizdiń basynan azap ta, ashtyq ta, sum soǵysta ótti. Ásirese, HH ǵasyr qazaq halqy úshin aýyr tıip, qaıǵyǵa toly kezeńimen este qaldy.

«Ótkenimizdi umytsaq, bolashaq bizdi keshirmeıdi» degen uly danalyq sóz bar emes pe? Osy danalyqtyń árdaıym jadymyzda saqtalǵanyn qalaımyn.

Táýelsizdik – ulttyq tildiń, dástúrdiń, salt — sananyń myzǵymas tiregi, kúshi, altyn dińgegi, halyqtyń baq juldyzy. Táýelsizdik – arman! Jer betinde qansha ult bolsa, sonsha arman bar. Sol armanǵa bizdiń qazaq halqy jetti.

1991 jyl — elimizdiń Qazaqstan degen atpen búkil álemge alǵash qadam basqan jyly. Sol sátten beri mine 25 jyl da óte shyqty. Qazirgi Qazaqstan álem sahnasynda maqtanarlyqtaı bedelge ıe. Jas memleketimiz osyndaı az ǵana ýaqyttyń ishinde kóptegen iri ekonomıkalyq, saıası jáne áleýmettik jetistikterge qol jetkizdi. Qazirgi tańda Qazaqstan jas memleket bola tura, kóptegen elderden áldeqaıda alda. Elimizdiń aıaǵynan nyq turýy, ulttyq qaýipsizdikti qamtamasyz etý jáne ekonomıkamyzdyń jedel qarqynmen damýy — qazirgi tańda negizgi strategıalyq baǵyttar. Búgingi Qazaqstan – tek ózi ornalasqan aımaqta ǵana emes, búkilálemdik problemalardy talqylaýda jáne sheshýde yqpaldy ról atqaratyn el. Qazaqstan úshin, qazaq halqy úshin táýelsizdik aspannan túsken syı emes edi. Halqymyz bostandyqty ańsap, Táýelsizdikke zaryǵyp jetti. Táýelsizdik degen uly jeńiske qol jetkizýde áli de jańǵyryp turǵan keshegi Jeltoqsannyń da septigi az bolǵan joq – stýdent jastardyń kóshege shyǵyp úndeýi jáne egemendik úshin zardap shegýge daıyn ekendigin kórsete bilýi barsha halyqqa senim men jiger bergen bolatyn.

Qazirgi tańda Táýelsizdik — barlyǵymyz úshin erekshe qasıetti kún. Birliktiń, yntymaqtastyq pen tatýlyqtyń kúni. Memleketimizdiń táýelsizdigi — eń aldymen halqymyzdyń baqyty. Alǵashqy jyldarda basym maqsattardyń qatarynda egemendikti nyǵaıtý, ulttyq qaýipsizdikti qamtamasyz etý, ekonomıkadaǵy qıynshylyqtarǵa jaýap berý bolǵan edi. Sondyqtan búgingi kúni halqymyz ótkennen qalǵan tarıhı ónegeni, otansúıgishtikti, ultyna degen mahabbatty joǵaltpaı, ári qaraı jastardyń patrıottyq sezimine engizýge erekshe kóńil bólýi kerek dep oılaımyn.
Táýelsizdigimizdi jarıalaǵannan bergi mezgil ishinde kóptegen eleýli tabystarǵa qol jetkizdik. Elimizdiń tynyshtyǵy men qaýipsizdigi, kóp ultty Qazaqstan halqynyń jarastyǵy men yntymaqtastyǵy Prezıdentimizdiń júrgizip otyrǵan parasatty kóregen saıasatynyń nátıjesi.

Qazaqstan – qazaq halqynyń ata-baba mekeni, ejelgi qonysy. Elimiz ólsheýsiz tabıǵat baılyǵymen ǵana emes, eń aldymen san túrli ulttardan quralǵan halqymen erekshe ekenin umytpaǵan abzal. Búgingi beıbit te shýaqty kúnderdi baǵalaı otyryp, jańa bıikterde umtylý – bizdiń býynnyń baǵyty bolýy tıis.

Almaty qalasy
Qazaq memlekettik qyzdar pedagogıkalyq ýnıersıtetiniń
Bıologıa kafedrasynyń muǵalimi: Saýranbaeva Gýljan Kemelbekovna

---