InfoHub Logo

Bıll Geıtske tabysty bolýǵa ne kómektesti? Siz de ol sıaqty myqty, tabysty, oqymysty bolǵyńyz kele me? Onda tanymal adamnyn 10 erejesine nazar salyńyz. Osy erejelerdi ustaný arqyly siz de armanyńyzǵa jaqyndaı túsesiz.

1. Básekege qabilettilik. Joǵary aqyl-parasatynan jáne múmkindikterdi qalt jibermeıtin qabiletinen ózge, Bıll ózine teń adamdardyń arasynda myqty bolǵandyǵyn dostary da aıtady. Osylaısha, básekege qabilettilikti basqa adamdarmen birdeı múmkindikte bola tura olardan sýyrylyp shyǵa alǵandyǵymen anyqtaýǵa bolady. Damyǵyńyz keletin salany tańdańyz, jáne sol salada jetistikke jetýge tyrysyńyz. Mindetti túrde aldyńyzǵa maqsat qoıyńyz, kúndelikti nátıjeni jaqsartýǵa tyrysyńyz.

2. Tabandylyq. Naqty bir tapsyrmany jaýaby tabylǵansha tabandylyqpen izdený tabysqa jeteleıdi jáne kez kelgen máseleni sheshýge kómektesedi. Maqsatqa jeter jolda mindetti túrde kedergilerge tap bolasyz, solarǵa daıyn bolý kerek, jáne josparly túrde árdaıym alǵa jyljı berý kerek.

3. Kitap oqý. Bıll Geıts qana emes, kóptegen tabysty adamdar kitap oqýdy durys dep sanaıdy. Olardyń tabysqa jetýiniń birden-biri syry jańa bilim alyp otyrýynda, aqyl-parasatyn damytyp otyrǵandyǵynda.

Kitap oqý:

a. Zeıin qoıýdy jattyqtyrady – aqparatty qabyldaý úshin bar zeıinińdi sol aqparatqa ǵana salýdy talap etedi;

b. Aqyl-parasatty jattyqtyrý men damytýǵa kómektesedi – oqý kezinde maqalany saralaý, baǵalaý iske qosylady;

c. Este saqtaýdy jattyqtyrady;

d. Bilim alýdy, basqa adamdardyń tájirıbeleri men qandaıda bir jaǵdaılarǵa kózqarasyn bilýge múmkindik beredi.

4. Eń mańyzdy, bir tapsyrmaǵa den qoıa bilý. Birneshe isti birdeı alyp júrý bireýin de tolyqqandy aıaqtaýǵa múmkindik bermeıdi. Eger siz naqty bir jumyspen aınalysyp júrgen bolsańyz, onda bar kóńilińizdi soǵan bólińiz, basqa nársege alańdamańyz.

5. Óz qabiletińdi durys baǵalaý. Biz bar jaǵynan myqty, tabysty bola almaımyz, keıbir zattar qolymyzdan kelip jatsa, keıbir tusta álsizdik tanytamyz. Budan ózge, bárin qamtý múmkin emes. Naqty bir salaǵa qatysty múmkindikterińizdi, qabiletińizdi durys baǵalańyz. Aldyńyzǵa qandaı maqsat qoıasyz, sońynda nege jetpek oıyńyz bar, jáne sol baǵyt boıynsha júrip otyryńyz.

6. Qolyńnan keletin isti jasa. Dostaryńa ilesip, nemese sándi bolǵany úshin bir ispen aınalysý, nátıjesinde qatelikke jáne túńilýge ákelýi múmkin. Qalaýyńyzǵa saı kelmese de, qolyńyzdan keletin, jasaı alatyn isti jasańyz.

7. Tıimdi joldy izdeńiz. Tabysqa jeteleıtin eń qysqa joldy izdeńiz, artyq kúsh, ýaqyt pen aqsha jumsamaı-aq ońtaıly sheshim taba alatyndaı bolyńyz. Ár nárseniń birneshe sheshimi bolady, sonyń eń tabystysyn anyqtaı alatyn bolyńyz.

8. Yjdahattyq. Jalqaýlyq tabysqa jetelemeıdi. Árdaıym ózińmen jumys istep, sheshimin izdep, alǵa jyljyp otyrý kerek.

9. Óz komandańdy jasaqtaý. «Jalǵyzdyń úni shyqpas» degendeı, jalǵyz júrip tamasha nátıjege qol jetkizý qıyn. Sizdiń oıyńyzdy qoldaıtyn, qyzmetine adal adamdardy tańdap alyńyz.

10. Ózińdi syrttaı baǵalaı alý. Óz-ózińe synı kózben qaraý óz kemshilikteriń men qatelikterińdi kórip, ýaqytynda túzeýge múmkindik beredi.

Bıll Geıtstiń osy erejelerin paıdalaný arqyly mindetti túrde ómirińizdiń sapasyn arttyryp, tańdaǵan salańyzda tabysqa jetesiz.

---