InfoHub Logo

Belgili jýrnalıs Dana Nurjigit óziniń áleýmettik jelidegi paraqshasynda otbasyndaǵy qaıǵyly jańalyqpen bólisti. Ol óziniń naǵashy aǵasy Hasan Ormanovtyń ómirden ozǵanyn habarlap, oǵan arnap áserli jazba qaldyrdy.

Bul týraly Infohub.kz aqparat agenttigi habarlaıdy.

Dana Nurjigit jazbasynda marqum aǵasynyń balalyq shaǵynyń kýási bolǵanyn, onyń áskerden oralyp, shańyraq kótergenin, keıin atasynyń qara shańyraǵyna ıe bolyp, aýyldaǵy syıly azamattardyń birine aınalǵanyn eske aldy. «Hasan naǵashym… balalyǵymnyń kýási… áskerden kelgeni, úılengeni, atamnyń shańyraǵyna ıe bolyp, aýyl ıntellıgensıasynyń, ardageriniń aldy bolyp, zeınetke shyqqanyna bir aı ǵana bolǵan edi… 5 sáýir kúni ǵana mereıtoıyn ótkizip… Sońǵy kórgen qýanyshy eken ǵoı!» dep jazdy jýrnalıs.

Jýrnalıs naǵashy aǵasyna degen saǵynyshyn bildirip, týǵan-týystaryna kóńil aıtty. «Naǵashy aýylym qara jamyldy… Kimdi izdep, kimge erkelep baryp, jıendik jasap, maýqymdy basam?! Dıhankól aýylynyń jurtyn ónerimen sýsyndatqan ańqyldaǵan aǵamnyń arýaǵy qoldasyn! Ónerli urpaǵyna, jary Gúlzıpa jeńgeme, naǵashy jurtyma qaıǵyryp kóńil aıtamyn! Aldyńnan jarylqasyn, Haseke!» dep jazdy Dana Nurjigit.