InfoHub Logo

Almaty qalasynda kafelerdiń jazǵy alańdaryn ornalastyrý men paıdalanýǵa qatysty erejelerge ózgerister engizilýde. Bul bastama kásipkerlerge qolaıly jaǵdaı jasaýdy kózdeıdi.

Bul týraly Infohub.kz aqparat agenttigi habarlaıdy.

Qala ákimdiginiń baspasóz qyzmeti taratqan málimetke súıensek, qala ákimi Darhan Satybaldynyń qatysýymen ótken keńeste osy másele talqylanǵan. Almatydaǵy kásiporyndardyń shamamen 30 paıyzy jazǵy alańdardy paıdalanady eken. Alaıda, qoldanystaǵy erejeler bul alańdardyń ýaqytsha jáne kapıtaldyq emes sıpatyn eskere bermeıdi.

Jazǵy alańdarǵa jańa talaptar

Bul jaǵdaı nysandardy ornalastyrýdy kelisýde qıyndyqtar týdyryp, keıbir jaǵdaılarda ruqsatsyz ornatylýyna sebep bolady. Osyǵan baılanysty, kásipkerlik jáne ınvestısıalar basqarmasy bul rásimderdi jeńildetetin erejelerge ózgerister engizýdi bastady.

Almatyda 1600-ge jýyq zańsyz saýda núktesi anyqtaldy

Sonymen qatar, qalada ýaqytsha saýda nysandaryn buzý jumystary jalǵasýda. Monıtorıń nátıjesinde 1595 zańsyz saýda nysany (NTO) anyqtaldy. Onyń 509-y memlekettik qor jerlerinde, 210-y jeke menshik ýchaskelerde maqsatyna saı emes ornalasqan, al 876-sy bekitilgen dızaın-kod talaptaryna sáıkes kelmeıdi.

Bılik ókilderiniń aıtýynsha, mundaı nysandar jaıaý júrginshilerge kedergi keltirip, qalanyń sáýlettik kelbetin buzady jáne turǵyndardyń shaǵymdaryna sebep bolady. Almaty ákimi Darhan Satybaldy zańsyz nysandardy joıý jumystaryn kúsheıtip, buzý qarqynyn jedeldetýdi tapsyrdy. Ol aýdan ákimderi kúndelikti buzýshylyqtardy anyqtap otyrýy kerektigin, al jyl basynan beri nebári 157 nysannyń alynǵanyn aıtyp, bul kórsetkishtiń tómen ekenin atap ótti.

Sondaı-aq, zańsyz nysandardy elektr jáne sýmen jabdyqtaýdan ajyratyp, polısıamen birlesip ıelerin jaýapqa tartý qajettigin aıtty. Qazirgi tańda Almatyda ýaqytsha saýda nysandaryn ornalastyrý úshin 142 oryn bekitilgen. Jyl sońyna deıin olardyń sanyn kóbeıtý josparlanýda.

Esterińizge sala keteıik, buǵan deıin Almatydaǵy tanymal laýnj-bardyń jazǵy terasasy sot sheshimimen buzylǵan bolatyn.