InfoHub Logo

Oral qalasynyń bas josparyna engizilgen ózgeristerge qatysty qoǵamdyq tyńdaýlar jaqyndap keledi. Qala turǵyndary jobanyń óz jer telimderi men jyljymaıtyn múlikterine qandaı áser etetinin bilgisi keledi. Alańdaýshylyq tek turǵyndarda ǵana emes, ákimdikte de bar, óıtkeni jobany jazdyń basynda memlekettik saraptamaǵa jiberý qajet.

Bul týraly Infohub.kz aqparat agenttigi habarlaıdy.

Bul ákimdiktiń jobany talqylap, qala turǵyndarynyń maquldaýyn alýǵa jasaǵan ekinshi áreketi. Alǵashqy tyńdaý 15 shildede daýmen aıaqtalǵan bolatyn. Sol kezde belsendi Danıl Makatýha ákimdiktiń saıtynda jarıalanǵan keıbir túsindirme qujattardyń Oralǵa esh qatysy joq ekenin, olarda Semeı men Qaraǵandy qalalarynyń derekteri kezdesetinin aıtqan edi.

Jobany ázirleýdegi qatelikter

Jobany ázirlegen «Grado» jobalaý fırmasy» JSHS ókilderi men ákimdik qyzmetkerleri bul jaǵdaıdy faıldardy júkteý kezindegi tehnıkalyq qatelikpen túsindirdi. Sáýlet bólimi ishki tekserýden keıin «jaýapty qyzmetkerge sógis túrinde tártiptik shara qoldanylǵanyn» habarlady.

Ákimdik bas jospar jobasyn ázirleý úshin «Grado» JSHS-na 250 mıllıon teńge tólegen. Jobalaýshy kompanıa 2023 jyldan beri qujatpen jumys istep keledi.

Makatýhanyń baǵalaýy

Jańartylǵan bas jospar jobasynyń materıaldaryn muqıat zerttegen Danıl Makatýhamen suhbattasqanda, onyń ózgeristerden ne kórgenin jáne olardy qalaı baǵalaıtynyn bildik. Onyń pikirinshe, bul jobada qala turǵyndarynyń múddesi eskerilmegen.