InfoHub Logo

Tanymal ánshi Toqtar Serikov ázilkesh Tursynbek Qabatovtyń jeke konsertinde sóz sóılep, onyń tóńiregindegi daýǵa qatysty pikir bildirdi. Bul týraly Infohub.kz aqparat agenttigi habarlaıdy.

Óner ıesi dosynyń jeke ómirine baılanysty taraǵan áńgimelerge toqtalyp, kópshilikti sabyrǵa shaqyrdy. Onyń aıtýynsha, el bolyp jaqsy kórgen adamdy ózimiz ósekke aınaldyryp, keıin qaıta aqtap alýǵa tyrysamyz.

«Ózimiz jaralaımyz, ózimiz emdeımiz»

«Ondaı áńgimeler keıbir aǵaıynnyń júregine yńǵaısyz tıip jatqanyn bilemin. Ózimiz jaqsy kóremiz, ózimiz ósek qylamyz. Ózimiz jaralaımyz. Jarasynan qany aqqan kezde qaıtyp tanyp, emdep alamyz. Bul qazaqtan basqa halyqta joq qasıet. Ózderińiz jaralap alǵan úlken qustyń jaraqatyn qaıtadan ózderińiz jazyńyzdar», – dedi ánshi.

Toqtar Serikov óziniń jeke ómirine qatysty aıtylatyn synǵa da toqtaldy. «Meni de dymymdy qaldyrmaı jazyp jatady: «qatynyn maqtaı beredi» dep. Jalǵyz mańdaıǵa bitken bir qatynym, ne isteımin endi? Ólgennen keıin emes, tiri kezimizde bir-birimizge jaqsy adam dep aıtaıyq», – dep sózin qorytyndylady.

Jelidegi pikirler

Jeli qoldanýshylarynyń pikiri ekige jaryldy. Biri Toqtardyń sózin danalyqqa balap, qoldaý bildirse, endi biri Tursynbektiń áreketi aqtaýǵa kelmeıdi degen ustanymda.

«Janym Toqtar aǵa aman bolyńyzshy», «Óte aqyldy azamat», «Aıtqanyńyz oryndy árıne, biraq Móldirdi jylatqany durys emes», «Mine, naǵyz azamat», – dep jazdy jeli qoldanýshylary.