InfoHub Logo

Qazaqstanda vıse-prezıdent qyzmeti qaıta engiziledi degen jańalyq elde qyzý talqylaý týdyrdy. Osyǵan oraı, eks-prezıdent Nursultan Nazarbaevtyń úlken qyzy Darıǵa Nazarbaevanyń saıasatqa oralyp, bul qyzmetke kelýi múmkin degen boljamdar áleýmettik jelide taraýda. Atalǵan máselege qatysty Májilis depýtattary pikir bildirdi.

Bul týraly Infohub.kz aqparat agenttigi habarlaıdy.

Depýtattardyń jaýaby

Májilis dálizinde jýrnalıserdiń saýalyna jaýap bergen depýtat Abzal Quspan áleýmettik jelidegi pikirlerdiń alýan túrli ekenin atap ótti. Onyń aıtýynsha, ol mundaı boljamdarǵa qatysty eshqandaı nusqany rastamaıdy jáne joqqa shyǵarmaıdy. "Shynymdy aıtaıyn, mende úmitkerge qatysty eshqandaı nusqa joq. Dál sol aıtylǵan kisi laıyqty dep oılamaımyn", - dedi ol.

Óz kezeginde, depýtat Aıdos Sarym Darıǵa Nazarbaevany "súıkimsiz saıasatker" dep atap, onyń dáýiri áldeqashan ótip ketkenin jetkizdi.

Vıse-prezıdent ınstıtýty

Aıta keteıik, 20 mamyrda Parlament "Prezıdent týraly" konstıtýsıalyq zańdy ekinshi oqylymda qabyldady. Bul zań boıynsha Qazaqstan Respýblıkasynyń vıse-prezıdenti ınstıtýty engizilip, onyń quqyqtyq jaǵdaıy aıqyndalady. Memleket basshysynyń tapsyrmasymen vıse-prezıdent Quryltaımen, Úkimetpen jáne ózge de memlekettik organdarmen ózara is-áreket jasaıtyn bolady.

Darıǵa Nazarbaeva 2022 jyldyń 25 aqpanynda Májilis depýtaty retinde ókilettigin toqtatqan bolatyn. Sodan beri ol qoǵamdyq-saıası ómirden belsendi túrde kórinbeı, kópshilik nazarynan tys qaldy.