InfoHub Logo

Kúndelikti qansha mólsherde sý ishý kerek ?-degen suraqqa naqty jaýap joq. Sebebi, bul birneshe faktorǵa baılanysty ( sizdiń densaýlyǵyńyzdyń jaı-kúıi, belsendiliktiń dárejesi jáne t. b.). Ádette, biz ár kúni terleý, dem alý jáne kishi dáretke shyǵý arqyly kóp sý mólsherin joǵaltamyz.Munyń sońynda - joǵaltqan sýdyń ornyn qaıta toltyrý qajettiligi týyndaıdy.

Sýdy tek shólińdi qandyrý úshin ishý - aqylǵa qonymsyz, siz kúni boıy belgili ýaqyt aralyǵynda, sýdy turaqty túrde iship turýdy ádetke aınaldyrýyńyz qajet.Kúndelikti taǵam quramyna sýdyń 20 paıyzy kiredi, alaıda, budan basqa, kúnine 8 stakan sý ishýdi mamandar usynady.

Sizdiń sýdy qoldanýyńyz jasaıtyn mekenińiz ben ondaǵy klımatqa baılanysty. Ystyq kúnderi qosymsha sý ishýge týra keledi, sebebi, úlken sý qory terleý arqyly syrtqa shyǵyp ketedi, bul jaǵdaıda aǵzanyń sýsyzdyqtan shóldeýge ushyraýy múmkin. Sýyq aýa-raıynda nemese teńiz deńgeıinen bıik jerlerde kishi dáretke jıi shyǵýǵa týra keledi, bul óz kezeginde aǵzadaǵy suıyqtyqtyń azaıýyna ákep soqtyrýy múmkin.

Densaýlyqtyń jaı-kúıine de sýdy  qoldanýdyń zor áseri bar. Eger siz bezgek, ystyqtyq, qusý nemese dıareıamen aýyrsańyz, bul shamadan tys sý joǵaltýǵa sebep bolady. Ekiqabat áıelder de sýdy kóp ishý kerek, sebebi, olarda aǵzanyń sýsyzdyqqa ushyraý táýekeli joǵary. Sondyqtan, deneńizdi sýmen qamtamasyz etip otyrýǵa jiti kóńil bólińiz.

Sizge ne úshin sý ishý qajet?

Siz birneshe apta boıy as jemeı shydaýyńyz múmkin, biraq sýsyz 3-4 kúnnen ary asa almaısyz. Sondyqtan, sý - adam aǵzasyna eń qajetti qorekterdiń biri. Bizdiń aǵzamyzdyń 60 paıyzdan astamy sýdan quralǵan, bul birneshe sebepke baılanysty.

1. Denege kúsh-salmaq túsirý terleýge ushyratyp, aǵzadaǵy  sýdyń joǵalýyna sebep bolady. Siz kúndelikti qara jumystyń arasynda sýdy jıi iship, aǵzanyń shóldemeýin qamtamasyz etýge tıissiz.

2. Sizdiń bulshyq etterińiz - qara jumystan soń sýǵa zárý. Eger , sý ishpeseńiz olardyń ósýine kedergi keltiresiz.

3. Sizge kúndelikti as qorytý úshin 25 gram jasunyq(klechatka) qajet, al , eger sý ishpeseńiz, munyń paıdasy joq, sebebi, jasunyq tek sý arqyly qyzmet atqarady.

4. Bos asqazan sizdiń ash ekenińizdi eske túsiredi. Sý ishý arqyly, ashtyqty kishkene bolsyn basýǵa bolady.

5. Taza móldir sý- sizdiń deneńizdiń  temperatýrasyn qalypqa keltiredi, sondaı-aq, tastardyń búırekke túspeýin qamtamasyz etedi,teriniń jaǵdaıyn jaqsartady, býyndardyń jumysyn jeńildetedi jáne t. b.

Sý- tirshilik kózi,- dep beker aıtylmaǵan,  álemdegi barsha tiri jandardyń ómiri sýmen tyǵyz baılanysty. Ómirińizdiń osy bóligine basa nazar aýdaryńyz.

---