InfoHub Logo

«Densaýlyq - zor baılyq» - demekshi oryndy aıtylǵan sózdi jadymyzda ustaımyz. Árbir adamnyń densaýlyǵy – qoǵamnyń baılyǵy deýge bolady. Osy rette halqymyz «Deni saýdyń jany saý» - degen sózi de tekten-tek aıtylmaǵany sonyń dáleli. Denimiz saýda bizdiń de kúnimiz jaryq. Bolashyǵymyzdyń jarqyn bolatynyna senemin. Densaýlyqtan asqan baqyt ta, baılyq ta joq. Densaýlyqty saqtaý tek tazalyqty saqtaýmen shektelmeıdi. Densaýlyqty saqtaý úshin kún rejımin saqtaı otyryp tıimdi tamaqtaný, dene qozǵalysy jasap sportpen shuǵyldaný, taza aýada jıi serýendeý jatady. Men ózimniń densaýlyǵyma osy bastan qaraımyn. Kúnige tańerteń ornymnan turyp júgiremin, kúres úıirmesine  qatysamyn. Sportpen shuǵyldaný árbir adamnyń ózine kerek ekenin basqa da dostarym bilse deımin. Men aıta almaǵan sózderimdi myna óleń joldarymen  jetkizýge tyrysamyn.

Deniń  saýda jetersiń armanyńa,

Josparlap alǵa qoıǵan maqsatyńa.

Deni saýda kórersiń bul dúnıeniń,

Bar qyzyǵyn rahatyn,joryǵyn da!

21 ǵasyr báseke zamany. Zıandy zattardy, densaýlyǵymyzǵa paıdasy joq taǵamdardy paıdalanbaı, salaýatty ómir saltyn ustanýǵa shaqyramyn. Densaýlyqty saqtaý - árbirimizdiń  qolymyzda ekenin umytpaıyq!

                                                 OQO, Túlkibas aýdany, Eńbek aýyly

                                               3- synyp oqýshysy Amangeldy Erjigit

                                                  Jetekshisi Ánıpa Seıdalıeva

---