InfoHub Logo

Álemge tanymal qazaqstandyq ánshi Dımash Qudaıbergen ónerdegi jańa qadam jasap, prodúserlik qyrynan kórinetin boldy. Bul týraly ánshi óziniń áleýmettik jelisindegi paraqshasynda qýanyshty jańalyǵymen bólisti.

Bul týraly Infohub.kz aqparat agenttigi habarlaıdy.

Jańa joba: Álemdik arenaǵa jańa esimder

Dımash Qudaıbergen endi óziniń mol tájirıbesin jas ártisterge úıretip, olardy halyqaralyq deńgeıde tanytýdy maqsat etedi. Onyń alǵashqy prodúserlik jobasy retinde «Voice Beyond Horizon» baıqaýynyń jeńimpazy Nurjas Sadyrbaev tanystyryldy. Bul týraly ánshi bylaı dep jazdy:

«Dostar, bir jańalyqpen bóliskim kelip otyr: Hunan TV arnasyndaǵy «Voice Beyond Horizon» jobasynyń alǵashqy jeńimpazy — Nurjas Sadyrbaevty prodúserim retinde qaramaǵyma aldym. Men 15 jylǵa jýyq mansabymdy halyqaralyq baıqaýlardan bastap álem boıynsha jeke konsertterge deıin ártis retinde uzaq joldan óttim. Endi sol tájirıbemmen bólisip, elimizdiń atynan Azıadan Amerıka qurlyǵyna deıingi álemdik arenalarda óner kórsetetin ártis daıyndaıtyn kez keldi!»

Birlik pen qoldaý – tabystyń kilti

Dımash Qudaıbergen jas ártisterge qoldaý kórsetýdiń mańyzdylyǵyn atap ótti. Onyń aıtýynsha, bul joldaǵy basty kúsh – birlik pen ózara senim.

«Osy joldaǵy basty kúshimiz — bizdiń qoldaýymyz ben birligimiz. Búgin stýdıadaǵy birlesken jumysymyzdyń kórinisin alǵash ret usynǵaly otyrmyn. Án resmı túrde aldaǵy aptada jaryq kóredi. Astana ýaqyty boıynsha saǵat 17:00-de meniń YouTube arnamda kezdesemiz. Kezdeskenshe», - dep qorytyndylady ánshi.