Photo: Francesco Ungaro (https://www.pexels.com/@francesco-ungaro) / Pexels
«Dımash Qudaıbergenniń ákesi meni sotqa berdi»: Tıktokerdiń málimdemesi jelini shýlatty
Áleýmettik jelide, ásirese TikTok platformasynda qazaqstandyq juldyzdarǵa qatysty syn aıtyp, keıde tipti balaǵattap júrgen Berik Sábıtuly atty tıktoker Dımash Qudaıbergenniń ákesi Qanat Aıtbaevtyń ózine sotqa talap aryz bergenin málimdedi. Bul jańalyq jeli qoldanýshylary arasynda qyzý talqyǵa tústi.
Bul týraly Infohub.kz aqparat agenttigi habarlaıdy.
Buǵan deıin Berik Sábıtuly Dımash Qudaıbergen, Sáken Maıǵazıev jáne basqa da tanymal óner adamdary týraly beınejazbalar jarıalap, olarǵa qatysty aýyr sózder aıtqan bolatyn. Óz sózinde tıktoker Qanat Aıtbaevtyń ózimen tikeleı baılanysqa shyǵyp, máseleni beıbit jolmen sheshýge tyryspaǵanyn aıtyp, olardyń «qorqaqtyǵyn» synǵa aldy.
Sotqa bergeni ras pa?
Berik Sábıtulynyń aıtýynsha, Qanat Aıtbaev ony sotqa bergen. «Meni Dımashtyń ákesi sotqa beripti. Dımash degen alaıaq, satqynnyń ákesi meni sotqa beripti. Maǵan tikeleı habarlasyp, sóılesse, men jańaǵy vıdeony alyp tastar edim. Biraq olar menimen kelisimge kelmedi. Olar óte qorqaq. Meni sotqa bergen. Bul jigittikke jatpaıdy», – dedi ol.
Tıktoker sondaı-aq Dımash Qudaıbergenniń áli úılenbeýine onyń «qyzy» ekenin sebep etip, taǵy da ánshiniń atyna aýyr sózder aıtty. Bul málimdemeler áleýmettik jelide ártúrli pikirler týdyrýda.
-
El azamattary zeınet jasyna jetkende aı saıyn 311 myń teńgeden astam qarajat alý úshin qandaı sharttardy oryndaý kerektigin Biryńǵaı jınaqtaýshy zeınetaqy qory (ENPF) eseptep shyǵardy.
-
A popular TikToker's claim that Dimash Kudaibergen's father has filed a lawsuit against him has ignited a heated discussion across social media platforms.
