InfoHub Logo

Tanymal jýrnalıs ári telejúrgizýshi Dınara Sátjan jaqyn qurbysy, ánshi Baıan Maqsatqyzy men onyń jubaıy, kásipker Tursen Alagózovtiń jańa shańyraǵyna erekshe syı jasap, kópshiliktiń nazaryn aýdardy.

Bul týraly Infohub.kz aqparat agenttigi habarlaıdy.

Úı emes, naǵyz sanatorıı

Dınara Sátjan jelidegi paraqshasynda jańa úıdiń aýqymy men jaılylyǵyna qatty rıza bolǵanyn jasyrmady. Ol úıdi jaı ǵana baspana emes, «naǵyz sanatorıı» nemese «velnes-ortalyq» dep atady.

«Tursen – óte sharýaqor, jan-jaqty oılaıtyn er adam. Barlyǵyn usaq-túıegine deıin qarastyrǵan. Tipti balalarǵa arnalǵan shaǵyn haıýanattar baǵy da bar», – dep jazdy ol.

Jaılylyq pen jasyl jelek

Jýrnalıstiń aıtýynsha, jańa shańyraq tek sán-saltanatymen ǵana emes, jaılylyǵymen jáne otbasylyq demalysqa arnalǵan múmkindikterimen erekshelenedi. Úıdiń ınfraqurylymy tolyqtaı oılastyrylǵan: demalys aımaqtary, balalarǵa arnalǵan keńistikter jáne tabıǵatqa jaqyn atmosfera qonaqtarǵa erekshe áser qaldyrǵan.

Bul jańalyqty jeli qoldanýshylary da qyzý talqylap, jas otbasyǵa aqjarma tilekterin jaýdyrdy. Kópshilik Dınara Sátjannyń syı-sıapatyna joǵary baǵa berip, onyń shynaıy kóńilin erekshe atap ótti.

Aıta keteıik, sońǵy ýaqytta Baıan Maqsatqyzy men Tursen Alagózovtiń záýlim úıi áleýmettik jelilerde jıi talqylanyp, el ishinde qyzý pikirtalas týdyryp keledi.