InfoHub Logo

Áleýmettik jelide «Holıd» laqap atymen tanymal dinbasy, ánshi Saıat Medeýovtiń QazaqAiran arnasyna bergen suhbatyna qatysty pikirin bildirdi. Ol Medeýovti musylman zıratyna jerleýge bolmaıtynyn aıtyp, úndeý jasady.

Bul týraly Infohub.kz aqparat agenttigi habarlaıdy.

Dinbasynyń pikiri

Saıat Medeýov suhbatynda din jáne dindarlar týraly ótkir pikir aıtyp, qoǵamdy adastyryp júrgen keıbir dindarlardy zańmen jazalaý kerektigin aıtqan bolatyn. Ánshiniń bul sózderi dinbasy Holıdqa unamaı qaldy.

«Bul kisi óziniń senimin aıtýda, durys. Biz zaıyrly qoǵamda ómir súremiz. Biraq ol «senderdiń dinderiń ótirik, paıǵambaryń eshkim emes. Sender musylmandar arabqulsyńdar» dep aıtyp jatyr. Endi bizdiń musylmandardyń moınyndaǵy mindet – bul kisiden suraýy kerek, «ólgenińde musylmansha jerleıik pe» dep. Bul kisi de qazirden «men ólgende musylmansha jerlemeńder» dep aıtýy kerek», - deıdi Holıd.

Ekijúzdilikke jol joq

Dinbasynyń aıtýynsha, Asanáli Áshimov pen Marat Ospanov sıaqty tulǵalar da dinge qatysty ótkir pikirler aıtqanymen, ólgende musylmansha jerlengen. «Ondaılardy ólgennen keıin arýlap jerlep keregi ne? Olar Allaǵa senbeıdi, paıǵambardyń shapaǵatshy bolatynyna senbeıdi ǵoı. Sondyqtan ekijúzdilikti qoıý kerek. Eger qazir mynanyń ornynda qarapaıym bireý bolsa, «oı ony kómbeý kerek», «ol táńirshi» dep shyǵatyn edi. Mynaý da sondaı ǵoı», - dep qosty Holıd.

Ol ánshiler men akterlerdi ıslamda syılamaıtynyn aıtyp, sondyqtan bul kisilerdi musylman zıratyna jerleýdiń qajeti joq ekenin atap ótti.