InfoHub Logo

Ánshi ári prodúser Móldir Muqanovany ómirinde kútpegen syılyq tań qaldyrdy. Oǵan beıtanys azamat jańa avtokólik tartý etti. Bul jańalyqty óner ıesi Instagram paraqshasynda bólisip, jurtshylyqty eleń etkizdi.

Bul týraly Infohub.kz aqparat agenttigi habarlaıdy.

Kútpegen tosyn syı

Móldir Muqanovanyń aıtýynsha, burynǵy kóligin balalaryna bergen soń, biraz ýaqyt boıy jaıaý júrgen. Sol kezde Aıgúl esimdi azamatsha oǵan tórt dóńgelekti súıiktisin syılap, tańdaıyn qaqtyrdy. Ánshiniń qýanyshtan kózine jas alǵany beınejazbadan kórinedi.

«Túski as kezinde tanystyq»

Móldir men kólik syılaǵan Aıgúl hanym sol kúni, tipti túski as ýaqytynda tanysqan. «Keń bolsań kem bolmaısyń» degen qazaq maqalyna silteme jasaǵan ánshi, beıtanys jannyń jomarttyǵyna rızashylyǵyn bildirdi.

Nıeti túzý janǵa jolyǵasyń

Ánshi óziniń jazbasynda adamnyń nıeti taza bolsa, jolynda da sondaı aqjúrek jandar kezdesetinin atap ótti. «Alla adamǵa aıtpaı synaq qana bermeıdi, aıtpaı syılyq ta beredi. Nıetiń qandaı túzý bolsa jolyńa da tilektes, nıettes adamdar jolyǵady», – dep jazdy Móldir Muqanova.

Óner ıesi Aıgúl hanymǵa alǵysyn aıtyp, «Kórkiń de, kóligiń de, ómiriń de tozbasyn» dep tilek bildirdi. Sondaı-aq, qazaq halqynyń baı bolýyn, bir-birine saı bolýyn tilep, «Dóńgelengen dúnıede kólikterińniń dóńgelegi aınala bersin qurbym!» dep sózin qorytyndylady.