InfoHub Logo

Ánshi Medeý Arynbaev óziniń jeke ómiri, ásirese, otbasy qurý máselesi týraly ashyq áńgimeledi. Kópshilik tarapynan «qashan úılenesiz?» degen saýalǵa jıi tap bolatynyn aıtqan óner ıesi, bul taqyryptaǵy qyzyq jaıttardy bólisti.

Bul týraly Infohub.kz aqparat agenttigi habarlaıdy.

«Keıde áýejaıda, kafede, tipti kóshede kezdesip qalǵan apalarymyz «qashan úılenesiń, qashanǵy jalǵyz júresiń?» dep suraıdy. Sondaı kezde keıde «apaý, men úılendim ǵoı. Estimedińiz be? Eki ret úılenip, ekinshi ret ajyrasyp kettim ǵoı» dep ázildeımin. Olar «solaı ma? Bilmep edim» dep jatady», – deıdi ánshi.

Otbasy qurý týraly oıy

Medeý Arynbaev úılený máselesine qatysty oıyn ashyq jetkizdi. Onyń aıtýynsha, bul taqyrypta bir emes, eki ret otaý qurýǵa talpynys bolǵan, alaıda ol jospar júzege aspaǵan.

«Rasyn aıtqanda, bir emes, eki ret úılenbek boldym. Biraq ol josparlar júzege aspady», – dep tolyqtyrdy ánshi.

Ánshiniń bul sózderinen keıin áleýmettik jeli qoldanýshylary oǵan qoldaý bildirip, aq tilekterin jaýdyryp jatyr.