Photo: Ruslan Ayupov (https://www.pexels.com/@ruslan-ayupov-20194213) / Pexels
Qazaqstannan ushqan qaraqus Úndistanda qaza tapty: Sebebi áli belgisiz
Qazaqstannan ushyp shyqqan qaraqustyń Úndistanǵa jetkende qaza tapqany belgili boldy. Bul týraly Arasha.kz habarlady.
Naýryz aıynyń basynda Úndistannyń Radjasthan shtatyndaǵy Djodhpýr mańynan GPS-trekeri bar qazaqstandyq qaraqustyń óli denesi tabylǵan. Qus halyqaralyq baǵdarlama boıynsha zertteýshilerdiń baqylaýynda bolǵan edi.
Ornıtologtar qustyń ólimin rastap, onyń sebebi áli belgisiz ekenin aıtty. Mamandardyń málimetinshe, aqpan aıynyń basynan beri GPS sıgnaly bir ǵana núkteden ózgerissiz kelip otyrǵan. Keıin Úndistandaǵy zertteýshiler qustyń qystaıtyn aımaǵyna baryp, onyń tek súıek-qaldyqtary men qaýyrsyndaryn, sondaı-aq trekeri bar metal saqınasyn tapqan.
Qaraqustyń erekshelikteri men zertteý mańyzy
Qaraqus – qanatynyń uzyndyǵy 3 metrge deıin jetetin, salmaǵy 7-12 keli bolatyn iri jyrtqysh qus. Qazaqstanda bul qustar negizinen Tán-SHan taýlarynda uıa salady.
GPS-trekerler sırek kezdesetin janýarlardy, sonyń ishinde kıik, qar barysy, qulan, arqar, toǵaı buǵysy, qaraquıryq, aıý jáne kóship-qonyp júretin qustardy baqylaý úshin qoldanylady.
Mamandar qustardyń basqa elderge ushýy – qalypty jaǵdaı ekenin atap ótti. Bul olardyń tirshiligin zertteý men qorǵaýda halyqaralyq yntymaqtastyqtyń mańyzdylyǵyn kórsetedi. Sońǵy derekter boıynsha, qazaqstandyq ǵalymdar bir jyl ishinde birneshe qus túriniń kóshi-qonyn baqylap, olardyń Pákistan, Úndistan, Efıopıa jáne Vetnam sıaqty elderde qystaıtynyn anyqtaǵan.
-
Newly revealed details expose the high-stakes contingency plans for Yuri Gagarin's historic 1961 spaceflight, including a scenario where he might have landed in the United States.
-
An eagle tagged in Kazakhstan and monitored internationally was found deceased in India. Experts are investigating the cause of its mysterious death.
