InfoHub Logo

Elimizde esirtki qoldanýshylardy anyqtaýdyń jańa ádisi qolǵa alynbaq. Astana qalalyq máslıhatynyń depýtaty Altynshash Tabýldınanyń aıtýynsha, zamanaýı tehnologıalar arqyly esirtki tutynýdyń oshaqtaryn, tipti naqty úıler men oqý oryndaryna deıin anyqtaýǵa múmkindik bar.

Bul týraly Infohub.kz aqparat agenttigi habarlaıdy.

Káriz sýynan esirtki izdeıdi

Tabýldınanyń aıtýynsha, bul ádis káriz sýyndaǵy esirtki zattarynyń izderin tipti az mólsherde de anyqtap, olardyń tutynýshylarynyń qaıda ornalasqanyn naqtylaýǵa kómektesedi.

«Káriz qubyrlarynan synama alyp, naqty qaı jerde – jeke úı me, ýnıversıtettiń nemese basqa mekemeniń aýmaǵynda – osyndaı jaǵdaılardyń bar ekenin kórýge bolady. Bul – jumys isteýge bolatyn naqty toptardy anyqtaýǵa múmkindik beredi», - dedi depýtat.

Jastar arasyndaǵy esirtki máselesi

Depýtat jasóspirimder men jastardyń esirtkige táýeldiliginiń órshýi alańdaýshylyq týdyratynyn atap ótti. Onyń aıtýynsha, dárister, aqparattyq kampanıalar men beınematerıaldar sıaqty profılaktıkalyq jumystar kútilgen nátıje bermegen.

Buǵan deıin mektepter men joǵary oqý oryndaryndaǵy esirtki qoldanýshylardy káriz sýy arqyly izdeý týraly habarlanǵan bolatyn. Bul týraly Ádilet mınıstrligi de málimet bergen edi.