InfoHub Logo

Elimizge tanymal bloger Murat Ábdilda qaıta qamaldy,-dep habarlaıdy Infohub.kz.

Túrkistan oblysynda qoǵam nazaryn jıi ózine aýdaryp júrgen bloger Murat Ábdilda taǵy da qamaýǵa alyndy. Bul joly oǵan qatysty Túrkistan qalalyq aýdanaralyq soty shartty túrde bosatýdyń kúshin joıyp, qalǵan jaza merzimin naqty óteý týraly úkim shyǵardy.

Murat Ábdilda 2022 jyly Qazaqstan Respýblıkasynyń Qylmystyq kodeksiniń 174-baby, 1-bóligi boıynsha (áleýmettik, ulttyq nemese dinı alaýyzdyqty qozdyrý) kináli dep tanylyp, sot sheshimimen bas bostandyǵynan aıyrylǵan bolatyn. Ýaqyt óte kele ol shartty túrde merziminen buryn bosatylǵan. Alaıda, arada kóp ótpeı Saýran aýdandyq polısıa bólimi blogerdiń shartty jaza talaptaryn buzǵanyn alǵa tartyp, jazanyń qalǵan bóligin naqty óteý týraly usynys engizdi.

Sot polısıa usynymyn qanaǵattandyryp, Murat Ábdildanyń shartty jazasyn joıdy. Endi ol qalǵan 2 jyl 11 kúndik merzimdi qamaýda óteıtin bolady. Bul aqparat áleýmettik jelilerde keńinen tarap, túrli pikirlerge sebep boldy.

Aıta keteıik,Murat Ábdilda — áleýmettik jelilerde ótkir oı aıtyp, keıbir memlekettik máselelerge qatysty syn-pikir bildirip júrgen tulǵa. Onyń áreketteri men sózi buǵan deıin de qoǵamda qyzý talqyǵa túsken. Bul jolǵy jaza — zań aldyndaǵy jaýapkershilik pen shartty túrde bosatylǵandardyń mindettemelerin saqtaý mańyzdylyǵyn kórsetip otyr.