InfoHub Logo

Ushaqqa bılet alǵanyńyzben, bortqa kire almaı qalý — budan bylaı mundaı ádiletsizdikke jol joq. Qazaqstanda overbýkıngke qatysty jańa ereje kúshine endi. Endi tek halyqaralyq emes, el ishindegi reısterge de qatań talap qoıylady.

Merekelik kúnder – mereke emes, ábigerge aınalǵan shaqtar
Sońǵy eki jylda ásirese meıram men demalys kúnderi jolaýshylardyń ushaqqa kire almaı qalýy jıilegen. Kóptegen adam bıletpen kelip, oryn jetpeı, reısten qalyp qoıǵan. Bul — jaı ǵana keleńsizdik emes, tutynýshy quqyǵynyń buzylýy.

Ushaqqa otyrǵyzbaı ma? Aıyppul tólesin!
Májilis bul túıtkilge núkte qoıý úshin Ákimshilik kodekske ózgeris engizdi. Endi ishki baǵyttardaǵy overbýkıng úshin áýe kompanıalary 50 AEK — ıaǵnı 196 600 teńge tóleıtin bolady. Bul — jolaýshy quqyǵyn taptaǵandardyń jazasyz qalmaýy úshin qabyldanǵan naqty qadam.

SCAT usha almady — aıyppul arqalady
Aıta keteıik, buǵan deıin SCAT kompanıasy «Óskemen–Astana» baǵytynda segiz saǵattan asa keshikken reıs kezinde jolaýshylarǵa qonaq úı usynbaǵany úshin 4 mıllıon teńgege jýyq aıyppul tóledi. Bul jaǵdaı qoǵamdyq rezonans týdyryp, prokýratýranyń aralasýyna sebep boldy.

Áýe tasymalynda adam taǵdyry men ýaqyty — basty orynda. Al jańa erejeler – sol qundylyqtardy qorǵaýǵa jasalǵan naqty qadam.