InfoHub Logo

Taqyryby: «Elin súıgen, jerin súıgen – er aǵa»
Maqsaty:
1) Jas urpaqqa Nursultan Nazarbaevtyń san qyrly talant ıesi, qudiretti tulǵa ekenin tanytý.
2) Elimizge eńse tiktetip, memleketimizdi myǵymdap bergen, halqymyzdy álemge tanytyp, alash balasynyń abyroıyn asqaqtatyp Elbasynyń kisilik kelbetin meńgerý.
3) Elin súıgen, eli súıgen Elbasynan úlgi alýǵa tárbıeleý.
Kórnekiligi: Elbasy sýretteri, júrek shar, sandar.
Túri: tárbıe saǵaty

Barysy:
İ. Muǵalimniń sózi:
Muǵalim: 1991 jyly óziniń táýelsizdigin jeńip alǵan jas memleket – Qazaqstan Respýblıkasynyń tuńǵysh prezıdenti bolyp Nursultan Ábishuly Nazarbaev saılandy.
Endeshe, balalar, búgingi tárbıe saǵatymyzda ádilettiń aq jolyn tý etip, eliniń egemendigin oılaǵan, yntymaqty, tutastyq, birlikti oılaǵan urpaqtyń sanalylyǵyna mán bergen ar menen namysty bıik ustaǵan, álemdik deńgeıdegi iri qoǵam qaıratkeri – Qazaqstan Respýblıkasynyń tuńǵysh prezıdenti Nursultan Ábishuly Nazarbaev týraly keń maǵlumat bermekpiz.
Qazaqstan Respýblıkasynyń tuńǵysh prezıdenti Nursultan Nazarbaev Ábishuly sıaqty talantty tulǵanyń, halqyn súıetin ultjandy azamattyń turǵanyn kórmeý, ony sezinbeý múmkin emes edi.

Oqýshy:
Bolashaǵym Qazaqstannyń aldaǵy,
Oryndalsyn qazaǵymnyń armany.
Elbasymyz Nursultan Nazarbaev,
Halqymyzdyń senip alǵan tańdaýy.
Asqaq bolyp elimizdiń jalaýy,
Máńgi jansyn táýelsizdik alaýy.
Eńbek, dostyq, beıbitshilik, bereke,
Qazaqstan Respýblıkasynyń qalaýy.
Elimizdiń tynyshtyǵyn oılaıtyn,
Halqym meniń Elbasyny qoldaıyq.
Bárimizge tynysh ómir syılaǵan,
Jasaı bersin, Nursultan Nazarbaev!