Eń qysqa áńgime
— Men kimmin? — dep janushyra aıǵaı salǵan Nuralyny eshkim estigen joq. Bólme ishinen joqtaý aıtqan áıelderdiń ashshy zarynan saı-súıegiń syrqyraıdy. Úıden jas óliktiń denesin shyǵaryp jatty. Nuraly ózin tanydy....
Sen ekranǵa shyǵasyń dedi rejıser kenet, mysqyldaı kúle.
— Ras pa?
— Ras saıqaldyń rólin somdaısyń....
Úılengenderine úsh jyl. Shańyraqtarynan únemi ydys-aıaqtyń syldyry estilýshy edi. Bar ydysty syndyryp bitken eki jasar Ramazan. Óte beımaz bala.
Dáriger úsh aı ómiriń qaldy dedi. Al ol úsh aı jazdy sonsha kútken edi...
Erinderine dalap jaǵyp, sándi kıingen áıelder, jıyrma jasynda dúnıe salǵan Farızanynyń jyldyq asyna asyǵyp bara jatty...
Eki qurby. Bireýi — arsyzdyǵy úshin baqytty. Ekinshisi — adaldyǵy úshin aıypty...biraq dos...
Shashyma alǵash aq aralasqanda, men bar bolǵany jıyrma birde edim, dedi qara shashty jasamys áıel...
Ol ómirinde aqyrǵy ret ońbaı qatelesti, besinshi qabattan tómen quldılap bara jatap solaı oılap úlgerdi... biraq bári kesh edi.
— Siz tirideı jerlenýdiń ne ekenin bilesiz be?
— Joq!..
— Men bilem.... ol arsyzdyń qolynan, appaq aryńmen, mezgilsiz qaza tabý....
You Might Also Like
-
Sýret sabaǵynda balalardyń biri úıdiń, bireýi eshkiniń, endi bireýi mysyqtyń, qysqasy, árkim unatqan zattarynyń sýretterin salýmen boldy. Al Qajytaı óziniń ala kúshiginiń sýretin salǵysy keldi.
-
Sol oqıǵany esime alsam, kúni búginge deıin denem bórtip titirkenedi. Qansha umytaıyn desem de, árkez teatrǵa barǵan saıyn, sol oqıǵa eriksiz eske oralyp, eski elesterdiń jurnaǵy kólbeńdep kóz aldym...
