InfoHub Logo

Robınson men Hachıson fotosýretterin "Feısbýk" áleýmettik jelisinde jarıalaǵan

Bredford koróldik sotynda seısenbi kúni is-áreketi kúlki keltiretin eki alaıaqqa qatysty sot isi júrgizilgen. Skegness qalasynyń turǵyndary Bendjamın Robınson men Danıel Hachıson oıyn avtomattaryn tonap jatyp, osy sátte selfı jasaýdy jón kórgen. Fotosýretterin «Feısbýk» áleýmettik jelisine jarıalaǵan urylar polısıa qyzmetkerlerininiń jumysyn jeńildetip, ózderi-aq qylmystaryn áshkereleıtin aıǵaq usyndy deýge bolady.

Alaıaqtar jarty jylǵa bas bostandyǵynan aıyrylǵan. Bir qyzyǵy, mundaı aqylǵa qonymsyz áreket jasap, ózin-ózi áshkereleıtin alaıaqtar qatary tek Robıson jáne Hachısonmen shektelmeıdi.

Tutqyndaýǵa kettik!

Endrú Hennels "Feısbýk" áleýmettik jelisinde qolyna pyshaq ustap túsken fotosýretin jarıalap, sýretke «Tonaý ústinde. Tesco» dep jazyp qaldyrǵan

Qarýlanǵan urylyqshy Endrú Hennels «Feısbýk» áleýmettik jelisine urlyq barysynda túsken fotosýretin salyp, «Tonaý ústinde. Tesco» dep jazyp qaldyrǵannan keıin birden tutqyndalǵan.

Polısıa qyzmetkerlerine bul aıǵaqtyń ózi jetip jatyr edi. Fotosýret jarıalanǵannan 15 mınýt ótken soń, polısıa pyshaqpen qarýlanǵan uryny Norflok graftyǵynyń Kıngz-Lınn qalasyndaǵy Tesco sýpermarketiniń kasasynan urlanǵan 410 fýnt aqshamen tutqynǵa alǵan. Ótken jyldyń sáýir aıynda oǵan tórt jylǵa bas bostandyǵynan aıyrý jazasy kesilgen.

Páterdi tazalap qoıaıyn...

Lýkash Choınovskıı ózi tonaǵan úıdiń ydystary men kıimderin jýyp qoıǵan

Lankashırlik zeınetkerler Pet Daıson men Martın Holtbı 2014 jyly úılerine demalystan oralǵanda «Úsh aıý» ertegisindegideı oqıǵaǵa tap bolǵan. Tek tósekke jatyp alyp, tátti uıqyǵa batqan Masha emes, ury edi.

Olardy tańqaldyrǵan bul ǵana emes edi: Lıdsten Polshaǵa kóship kelgen ury Lýkash Choınovskıı bógde adamdardyń páterinde ydys-aıaq pen óz ishkıimin jýyp qana qoımaı, sýpermarketten azyq-túlik alyp ta úlgergen. 

Otanasy kúıeýimen demalysqa bara jatqanynda úıdiń munshalyqty taza bolmaǵanyn aıtqan. 28 jastaǵy urynyń sypaıylyǵy sondaı, úıdi aınadaı jarqyratyp tazalap qoıǵan.

Choınovskıı qylmysyn moıyndap, oǵan 200 fýnt kóleminde aıyppul salynyp, 2 jyl shartty merzim berilgen.

Baıaǵyda úsh pıngvın ómir súrgen eken: Dırk... Rız jáne Kerı

Aqylsyz saıahatshylar pıngvındi vanada ustaǵan

Aýstralıada saıahattap júrgen Ýelstik qos saıahatshy mas kúılerinde akvaparkten Dırk esimdi pıngvındi urlap, kúdikti retinde sot zalynan bir-aq shyqqan. 

Jıyrma jastaǵy Rız Oýen men Kerı Múzl Kvınslendtegi Gold Coast akvaparkine baryp, delfındermen birge sýda júzip, akýlalardy órt sóndirgishpen úrkitip, Dırk esimdi pıngvındi urlaǵan.

Ertesinde mastyqtary taraǵan ekeýi bólmede júrgen pıngvındi kórip, ári-sári halge túsken. Sot barysynda olardyń qorǵaýshysy aıtqandaı, urylar pıngvınge barynsha qamqor bolýǵa tyrysyp, tamaq berip, vanadaǵy sýǵa salyp qoıǵan.

Munan keıin pıngvındi aryqqa alyp barǵan ekeýdiń áreketine qala turǵyndary tańdanyp, polısıa shaqyrǵan. Sot sheshimi boıynsha Oýen men Múzlge 1 myń aýstralıa dollary kóleminde aıyppul salynyp, endigide ishimdikti kóp ishpeýi jóninde keńes berildi. Al Dırk bolsa, akvaparktegi óz ornyna aman-esen jetkizildi.

Sýretke nashar túsippin

Donald «Chıp» Púge polısıa izdeý salý maqsatynda jarıalaǵan fotosýreti unamaı, ornyna basqa sýretin jibergen

Vandalızmge baryp, órt qoıǵan degen kúdikke alynǵan Donald «Chıp» Pú ózin tutqynǵa alý orderindegi fotosýreti unamaǵandyqtan, selfı jasap, fotosýretti Ogaıo shtatyndaǵy polısıa qyzmekterlerine jibergen.

Qashqynda júrgen kúdikti jergilikti radıostansıaǵa suhbat berip, óz áreketin túsindirgen. «Fotosýrettegi túrim sondaı nashar. Olardyń fotosýretterinde sátsiz shyqqanmyn. Meni sýretke durys túsirmegen, ondaǵy túrim endi... bilmeımin kimge uqsap qalǵanymdy. Joq, bulaı bolmaıdy», - deıdi kúdikti.

«Biz oǵan usynǵan kómegi úshin alǵys aıtamyz! Biraq bizdiń ózimizge kelgeni durys edi, sóılesýimiz kerek», - dep jaýap berdi. Lımadaǵy (Ogaıo) polısıa bólimshesi. Biraz ýaqyttan keıin ol Florıdada tutqynǵa alynǵan.

Men mundamyn!

Muhammed Ahsan ózin ustap bergeni úshin syıaqy talap etken

Talıbter basshysy óz erkimen berilip, ózin-ózi ustap bergeni úshin 100 dollar kóleminde syıaqy talap etken kezde, quqyq qorǵaý organdary qyzmetkerleriniń tańdanysynda shek bolmaǵan.  «Orta dárejeli komandır» Muhammed Ahsan memlekettiń shyǵysyndaǵy amerıkalyq jáne aýǵandyq áskerlerge jasalǵan shabýyldy uıymdastyrdy degen kúdikke alynǵan.

Habarlanǵan aqparattarǵa qaraǵanda, 2012 jyly ol polısıalyq baqylaý-ótkizý pýnktine kelip, óziniń sýreti bar plakatty nusqap, syıaqyǵa belgilengen somany berýlerin suraǵan.

Bılik onyń ne sebepti mundaı áreketke barǵanyn túsine almady. Amerıkalyqtardyń biri tilshilerge bergen suhbatynda Ahsannyń áreketin: «Onyń esýas ekeni anyq»,- dep túsindirdi.

Túrmege? Qıarmen? Qaljyńdap tursyzdar ma?

Qıar jáne bas bostandyǵynan aıyrylý

2014 jyly Glazgodaǵy býkmekerlik keńseni tonamaq bolǵan adam qara shulyqqa salynǵan qıarmen «qarýlanǵan». Qýanyshqa oraı, qyzmetten tys ýaqytynda keńsede bolǵan polısıa qyzmetkeri uryny qarýsyzdandyrǵan.

Urlyqshy Garrı Raf bolǵan jaǵdaıdyń ázil ekendigin aıtyp, aqtalǵysy kelgenimen, bári-bir bas bostandyǵynan aıyryldy.

Sormańdaı ury

Dúkenge urlyqqa túsý Djeıms Allannyń qolynan kelmedi

Al bul sátsiz tonaý Oksfordshır graftyǵynyń Abıngdon qalashyǵyndaǵy ishki baqylaý kamerasyna túsip qalǵan. 

29 jastaǵy Djeıms Allan dúkendi tonamaq bolǵan ýaqytynda basyndaǵy balaklavany sheship, sýsyndar turǵan sóreni aýdaryp tastap, esikti asha almaı qalǵan.

Esikti jaýyp qoıǵan egde jastaǵy áıel bolyp shyqty. Dúkendi tonamas buryn ury áıeldi oıynshyq tapanshamen qorqytyp, aqsha talap etken.

Bul ǵana emes, ury dál osy dúkendi 10 kún buryn tonamaq bolyp, onda da áreketi sátsiz aıaqtalǵan. Allan kameraǵa túsip qalǵan quqyq buzýshylyǵy úshin 3 jylǵa, oıynshyq tapanshany qarý retinde kórsetpek bolǵany úshin 2 jylǵa bas bostandyǵynan aıyryldy. 

Bedman – jaman adam

Baqylaý kamerasynyń aldynda betperde iń kesheshýdrek emestigi Bedmannyń esinen shyǵyp ketken sıaqty

Ýelstiń ońtústigindegi Brıjend qalasynynyń turǵyny Bedmannyń qylmysyn «Bedman» (jaman adam) tegi de áshkerelep  turǵan sıaqty. Ol kórshiles Protkol qalasyndaǵy qonaq úıdi tonamaq bolǵan.

Ury basyna plasıkten jasalǵan paket kıip, belgisiz sebeppen dál ishki baqylaý kamerasynyń aldynda basyndaǵy paketti sheship tastaǵan. Bul áreketi polısıa qyzmetkerleriniń jumysyn aıtarlyqtaı jeńildetti.

Qazir bul sánde emes

Dın Smıt tekkúnnen qorǵaıtyn kózildiriktiń kómegimen syrt kelbetin ózgertpek bolǵan

Ýelstik qaskúnem Dın Smıttiń sán áleminen habary joq ekeni birden belgili boldy: tonaýǵa shyqqan ury kúnnen qorǵaıtyn kózildirik kıip, báteńkesiniń syrtynan shulyq kıip alǵan. Onyń syrtqy kelbeti polısıa qyzmetkerleriniń uzaq ýaqyt kúlkisin keltirdi.

Ury tek sánnen ǵana emes, urlyq áleminen de habardar emes sıaqty. Ol Trıorkı aýylyndaǵy Barclays bankiniń jerilikti bólimshesin tonaýdan buryn, ondaǵy keńse qyzmetkerine óziniń tolyq aty-jóni men meken-jaıyn aıtqan. Smıttiń alǵashqyda bank bólimshesin tonamaq nıeti bolmaǵan eken. Meken-jaıynyń ózgergenin habarlaýǵa barǵan azamat bank kasasyndaǵy aqshany kórip, qaskóı áreketke nıettengen.

Alaıda onyń kózildirigi de, shulyǵy da kasırdi úreılendire almady. Oǵan eshkim de aqsha bergen joq. Bolǵan oqıǵadan keıin uryny tabý qıyndyq týdyrmady. Uryǵa tonaý jasaýǵa talpynysy jáne sýyq qarý alyp júrgendigi úshin eki jarym jyl merzimge bas bostandyǵynan aıyrylý jazasy taǵaıyndalǵan.

Kólikti olaı urlamaıdy!

Esigi jabyq kólik ishinde bir jarym saǵat boıy polısıany kútý

Pretorıada (Ońtústik Afrıka) kólikti urlap áketpek bolǵan er adam avtomatty túrde blokqa qoıý iske qosylǵandyqtan, kólik ishinde qamalyp qalǵan. 

Óz kezinde Star gazetinde jazylǵandaı, ol adamdardan kómek surap, kólik ishinde bir jarym saǵat boıy otyrǵan. Qala turǵyndary uryny ájýalap, polısıanyń kelýin kútken. Óz kóliginen beıtanys erkekti kórgen kólik ıesi: «Meniń kóligimde ne istep júrsiń?»- dep aıqaıǵa basty.

Aıyptyny tutqynǵa alyp, Prıtorıa polısıa bólimshesine alyp ketken.

---