Photo: Pixabay (https://www.pexels.com/@pixabay) / Pexels
Endi qoqys tastaǵandardy ákimdikter jazalaıdy
Endi qoqys tastaǵan nemese qoǵamdyq oryndardy lastaǵan azamattardy polısıa emes, jergilikti ákimdikter jazalaıtyn bolady. Bul týraly «Quqyq buzýshylyqtyń aldyn alý týraly» zańnyń jańa normasy búgin, 1 naýryzda kúshine endi.
Buǵan deıin mundaı buzýshylyqtar úshin tek polısıa qyzmetkerleri ǵana aıyppul sala alatyn edi. Jańa zań boıynsha, Astana, Almaty, Shymkent qalalary men barlyq oblystardyń jergilikti atqarýshy organdaryna Ákimshilik quqyq buzýshylyq kodeksiniń 434-2 jáne 505-baptary boıynsha ákimshilik hattama toltyrý quqyǵy berildi.
Bul ózgeris qoqysty ruqsat etilmegen jerge tastaý, jasyl jelekterdi búldirý, qala ınfraqurylymyn zaqymdaý sıaqty quqyq buzýshylyqtarǵa jedel ári tıimdi áreket etýge múmkindik beredi dep kútilýde. Bul týraly QR Ekologıa mınıstrligi habarlady.
Vedomstvonyń málimetinshe, tek ótken jyly osyndaı quqyq buzýshylyqtar úshin 591 myńnan astam adam jaýapqa tartylǵan. Onyń ishinde 189 myńnan astamy qoǵamdyq oryndardy lastaǵany úshin, al 403 myńnan astamy abattandyrý erejelerin buzǵany úshin jazalanǵan. Jalpy, salynǵan aıyppuldardyń somasy 5,2 mlrd teńgeni qurady.
-
Tragıcheskıı slýchaı proızoshel na okraıne Semeıa: dva cheloveka skonchalıs v avtomobıle "Gazel", predpolojıtelno, ot otravlenıa ýgarnym gazom.
-
Local authorities in Kazakhstan are now empowered to issue fines for littering and public space violations, replacing police enforcement.
