InfoHub Logo

Qyzylorda oblysy,
Qazaly aýdany, Qazaly aýyly, № 9 Balaýsa balabaqshasynyń tárbıeshisi
Alpysbaeva Kúmiskúl Ábdiǵanıqyzy
Mektepaldy daıarlyq toby

Er esimi el esinde saqtalady
Tárbıeshi: Qurmetti ata-analar jáne búgingi erteńgiligimizdiń qonaqtary!
Sizderdi 9-mamyr Uly Jeńistiń 65-jyldyq merekesimen quttyqtaımyz! Atalarymyzdyń, ájelerimizdiń erligimen kelgen bul Jeńis merekesi urpaǵymyzdyń esinde máńgi saqtalady. Búgingi 2-kishkentaılar tobynda ótkizilgeli otyrǵan «Er esimi el esinde saqtalady» atty erteńgiligimiz de Uly Jeńistiń kelbetin nasıhattaýǵa arnalǵan. Búgingi erteńgiligimizdi ashyp, merekelik lebizin bildirý úshin sózdi balabaqsha meńgerýshisi U. Ashırbekova apaıǵa beremiz.

Hor: «Maıdanǵa»
Damır:Jeńis kúni qutty bolsyn,
Qutty bolsyn atalar
Umytpaıdy eshqashan da,
Jaýyngerdi balalar
Tárbıeshi: B. Momyshuly týraly óleń

Nursultan:
Qaıtpaǵan daýyldan
Kek alǵan jaýynan
Halqymnyń qasterli
Jaısańy Baýyrjan.
Qazaqtyń qany úshin
Júregi aýyrǵan
Eliniń namysyn
qorǵaǵan Baýyrjan

Tárbıeshi: Á. Moldaǵulova týraly óleń
Arýjan:
Jer men kóktiń arasyn
Sharpyǵanda qalyń órt
Álıa orys qalasyn
Azat etip boldy mert
Gúlnaz:Ol Jeńisti kórgen joq
Keldi keıin azat kún
Biraq máńgi ólgen joq
Batyr qyzy qazaqtyń

Tárbıeshi: M, Mametova týraly óleń
Aıerke:
Sonaý jyly jer kókti
Soǵys bulty torlaǵan
Sonda Mánshúk ápkemiz
Jaýdan eldi qorǵaǵan
Ústinde sur shıneli
Dýlyǵasy bolattan
Mánshúk ápke kún túni
Jaýǵa oqty boratqan

Tárbıeshi: T. Begeldıev týraly óleń
Ernur:
Batyr Talǵat aǵamyz
Qurtyp talaı jaý mysyn
Meıirimdi keskin júz
Elge bitken minezi
Keýdesinde qos juldyz
Eki ret batyr - bir ózi

Aqnur:
Alaqaı aı, áıgili
9 maı búgin
Alǵash kúni shattyqtyń
Sońǵy kúni qaıǵynyń.

Aıajan: Uly kúshke sengen kún
Fashıserdi jeńgen kún
Qyrmyzy gúl, qyzyl gúl
Qushaqtarǵa engen kún.

Beıbarys: Soǵystyń órti janbasyn,
Sábıler jetim qalmasyn!
Ardaq: Esigine ár úıdiń
Besigine sábıdiń
Máńgilik baqyt ornasyn
Bolmasyn soǵys bolmasyn!

Nursaýle: Máńgilik baqyt ornaıdy
Bolmaıdy soǵys bolmaıdy.

Tárbıeshi: Mine balalar, jaýynger batyrlarymyzdyń erlikteri týraly óleńder jazypty. Olardyń esimi bizdiń de esimizde qalady. Endi balalar qoldarymyzdaǵy gúlderdi Uly Jeńis jolynda qaza bolǵan jaýyngerlerimizdiń sýretteriniń aldyna qoıyp, 1 sát únsizdikpen eske alaıyq.

Hor: «Endi soǵys bolmasyn!»
«Aq kógershin» áni oryndaıtyn Marat Arýjan
«Katúsha» bıi-top bıshiler
Hor: «Árqashan kún sónbesin»
Tárbıeshi: Qurmetti ata-analar, qonaqtar búgingi erteńgiligimizdi aıaqtaı otyryp, barshańyzǵa baqyt, birlik tileımiz. Árqashan elimiz tynysh, beıbitshilik bolsyn degen nıetpen qortyndy sózdi ata-analarymyzdyń arasynan Temirkúl apaıǵa beremiz.