InfoHub Logo

Erteńgilik
Shýaǵyn shashqan - aıaly alaqan

Júrgizýshi:
Shýaqty kóktem keldi gúlin alyp
Kóktemniń merekesi búgin anyq.
Ómirdiń kóktemi de, gúli – Analar
Ana dep bas ıedi kúlli halyq.
Armysyzdar, qasıetti analar!

Qosh, keldińizder! Aıaýly analar, qyzǵaldaq qyzdar, qadirli áriptester! Kóńilderińizge kóktem shýaǵyndaı sezim men nur quıyp, 8 – naýryz Halyqaralyq áıelder merekesi de kelip jetti. Kóktemniń shýaqty kúnderimen qatar kelip jatqan tól merekelerińiz qutty bolsyn! Osynaý kóktem merekesi qaı kezde de orny bólek. Olaı bolatyny, analarǵa ystyq sezim, alǵys pen qurmet eshqashan sónbek emes. Olar - ómirdiń gúli, kóńildiń jyry, ár otbasynyń altyn dińgegi. «Shýaǵyn shashqan - aıaly alaqan"» atty erteńgiligimizge qosh keldińizder!

Án: «Anashym»

Endi aldaryńyzda balalaryńyzdyń taqpaqtaryn qabyl alyńyzdar. Meni jaqsy kóredi,
Kúndeı kúlip keledi,
Kóp ertegi biledi,
Maǵan aıtyp beredi.

Álpeshtegen aıalaǵan,
Aq sút bergen apataıym.
Sálem jazyp búgin saǵan,
Meıramyńmen quttyqtaımyn.

Anashym dep maqtanam,
aınalaıyn aq anam!
Aınalaıyn anashym,
álpeshtegen balasyn,
Emip ósken bóbekpiz,
anamyzdyń mamasyn.

Aq qabaqty anashym,
kún sáýleli anashym.
Álpeshtegen balasyn,
aınalaıyn anashym.
Ana – bizdiń kúnimiz.
Ana - bizdiń gúlimiz.
Anashym júregim,
Ómirlik tiregim.
Aman bop júrshi tek,
Alladan tiledim.
Anashym anam
Rızamyn saǵan,
Tilińdi alam,
Aqyldy bolam!
Álpeshtegen balasyn,
Ana, baqyt, ana kún.
Árkim súıip óziniń,
Maqtan eter anasyn

Ana ómir shyraǵy.
Ana ómir bulaǵy.
(Osy sátte esik qaǵyp, kóńildi áýenmen Masha júgirip keledi).
Masha: Dostarǵa sálem! Men tanydyńdar ma? Men Mashamyn ǵoı! Eń aqyldy, eń kóńildi, eń tárbıeli qyzbyn. Men senderdiń ájelerińdi, analaryńdy jáne qyzdardy merekemen quttyqtaý úshin ádeıi ertegiler elinen keldim.
Júrgizýshi: Masha bizge syılyqqa ne ákeldiń?
Masha: (renjip) men gúl shoqtaryn daıyndap edim. Biraq olardy júrip kele jatyp shashyp aldym.
Júrgizýshi: Balalar biz Mashaǵa gúldi jınap kómekteseıik.
Oıyn «Gúl shoǵyn jınaý»
(Balalardyń kómegine rıza bolǵan Masha bıleı jóneldi).
Júrgizýshi: Masha sen qandaı táttini jaqsy kóresiń.
Masha: Úlken tort, varenıe.

Júrgizýshi: Joqty aıtpa! Bizde varenıe joq. Al táttini merekeden soń alasyń. Sen táttini kóp jegennen tistiń aýyratynyn bilmeıdi ekensiń ǵoı.
Bizdiń balalar ony jaqsy biledi. Jalpy densaýlyq jaqsy bolý úshin dene shynyqtyrý men shuǵyldanǵan jón. Qazirgi bizdiń balalar ózderiniń qandaı kúshti ekenderin saǵan kórsetedi.
Balalardyń bıi.
(Masha balalarǵa alǵysyn aıtyp, ertegiler eline ketedi).
Júrgizýshi: Balalar men senderge jumbaq jasyraıyn.
Aq qar erip,
Sý kóbeıip,
Saı salaǵa tolady.
Aǵash basy búrshik atyp,
Gúl báısheshek basady.
Bóbekterim, aıtyńdarshy
Bul qaı kezde bolady.
Balalar: Kóktemde!
(Zalǵa váls áýenimen qolynda syılyq salynǵan sebeti bar kóktem kirdi).
Kóktem: Sálemetsizder me, Balalar, analar!
Saǵynysh pen jetken,
Keldi mine kóktem,
Jaınap nurly gúli,
Merekeńiz búgin,
Qutty bolsyn analar!
Júrgizýshi: Kóktem, biz seniń kelgenińe óte qýanyshtymyz. Balalar kúnniń shuǵylasyn, sýdyń syldyryn saǵyndy. Qazir bizdiń Danara sizderge arnap án salyp beredi.
Án: «Qoshaqanym»
Júrgizýshi: Kóktem, sen balalarǵa ne ákeldiń?
Kóktem: Men senderge kóktemniń shuǵylasyn ákeldim.
«Kóktem» bıi.
Kóktem balalarǵa alǵys aıtady.
Júrgizýshi:
Ata - analarmen oıyn. « Óz balańyzdy tabyńyz»
Sharty: 3 - 4 ata - ananyń kózin baılap, ortadan óz balasyn tapqyzý.

Júrgizýshi:
Qutty bolsyn osy shattyq kúnińiz,
Baqytty da uzaq ómir súrińiz,
Qýanyshty júzińizben ár daıym,
Bul ómirde kúlip qana júrińiz.
Án: «Quttyqtaımyn, ana týǵan kúnińmen»

Júrgizýshi: Qurmetti analar, apaılar osymen ózderińizge arnalǵan erteńgiligimiz aıaqtaldy. Árdaıym kóktem gúlindeı jaınap júre berińizder.
Kelgenderińizge kóp rahmet!
Erteńgilik: Shýaǵyn shashqan - aıaly alaqan júkteý