InfoHub Logo

6 synyp
Sabaqtyń taqyryby: Qorqyt ata
Sabaq maqsaty:
1. Bilimdilik: Oqýshylarǵa segizinshi ǵasyrda ómir súrgen túrki halyqtarynyń ataqty aqyny, kúıshi Qorqyt týraly
bilim berý.
2. Damytýshylyq: Qorqyt baba týraly ańyzdardy, derekterdi óz betinshe oqyp, tanysý arqyly zertteýshilik, shyǵarmashylyq daǵdylaryn damytý. Aýyzeki sóıleý qabiletterin damytý.
3. Tárbıelik: Óz eliniń tarıhyna degen súıispenshilikterin arttyrý. Oqýshylardyń estetıkalyq sezimin oıatýǵa, óner adamdaryn qadirleı bilýge tárbıeleý.
Sabaqtyń ádis – tásilderi: suraq – jaýap, túsindirý, mátinmen jumys, oı qozǵaý.
Sabaqtyń kórnekiligi: Qorqyt atanyń portreti, qobyzdyń sýreti, úlestirmeli paraqtar
Sabaqtyń tıpi: jańa sabaq
Pánaralyq baılanys: tarıh, mýzyka

Sabaq barysy:
İ. Uıymdastyrý kezeńi.
Sálemdesý, oqýshylardy túgeldeý, sabaqqa daıyndyqtaryn tekserý;

İİ. Uı jumysyn tekserý. Suraq - jaýap
Maqal - mátelderdi jattap kelý
1. Ónerli qol - baqytqa jol.
2. Óner aldy, qyzyl til.
3. Ónerli órge júzer.

İİİ. «Oı qozǵaý». Jańa taqyryppen tanysý
Jańa taqyrypty bastamas buryn, dápterlerińdi ashyp, búgingi kún men jańa taqyrypty jazyp alyńyzdar.
Qorqyt ata
Sózdikpen jumys – dápterge sózderdiń aýdarmasyn jazyp alý
(muǵalim sózderdi oqyp, taqtaǵa jazǵyzady, synyp hormen muǵalimniń artynan qaıtalaıdy, keıin árbir bala qaıtalap shyǵady)
Ańyz – legenda
Máńgilik – vechnyı
Kitap – knıga
Aqyn – poet
Ataqty – znamenıtyı
Ómir - jızn
Jańa sabaqty túsindirip bolǵannan soń, balalarǵa mátindi tizbektep oqytý. Kerekti jerlerin jazǵyzyp alý.

Qyzyǵýshylyqty oıatý: (Taqtadan qobyzdyń sýreti kórsetiledi)
– Taqtadan ne kórip tursyńdar?
– Mýzykalyq aspap.
– Qandaı mýzykalyq aspap?
– Qazaq halqynyń ulttyq aspaby – qobyz.
– Qobyz týraly ne bilesińder?

Muǵalimniń sózi: Jaqsy, osy qobyz degen mýzykalyq aspapty alǵash ret jasaǵan Qorqyt atamyz týraly áńgimelesemiz. (Taqtadan Qorqyt ata portreti kórsetiledi).
– Qorqyt ata – VIII (8) ǵasyrda Syrdarıa ózeniniń boıynda burynǵy Jankent qalasy mańynda ómir súrgen batyr, ataqty aqyn, asqan kúıshi. Ol týraly kóptegen ańyzdar saqtalǵan. El aýzyndaǵy ańyzdarda Qorqyt ata máńgi ólmeıtin ómir izdeýshi, máńgilik ómir úshin kúresker retinde aıtylady. Biraq ol ómiriniń sońynda ólmeıtin nárse joq eken degen pikirge keledi. Ózi ólgenmen artynda kúıleri, ulǵatty sózderi qalady. Al ádebıet tarıhynda derekti túrde Qorqyt ata kitaby bar. Qorqyt ata kitabyn VIII ǵasyrlarda jáne odan da buryn týǵan ańyzdardyń jınaǵy deýge bolady. Kitapta qazaq halqynyń qurylýyna tikeleı qatysy bar, tarıhta belgili oǵyz taıpalarynyń taǵdyryna baılanysty oqıǵalar baıandalady. Kúıleri: «Qorqyt», «Aqqý», «Jelmaıa», «Ushardyń ulýy» t. b.

Sergitý sáti – fızıkalyq jattyǵýlar

IV. Taqtamen jumys.
Oqýshylardyń biri taqtaǵa shyǵyp Qorqyt atanyń naqyl sózderin jazady, qalǵandary dápterlerine kóshirip jazady.
1. Ana úshin bala – eki kózdiń syńary.
2. Ata dańqyn shyǵaryp, óziniń tegin qýǵan balaǵa eshkim jetpeıdi.
3. Ótirik sóz órge baspaıdy.
Krosvord sheshý
1. Qazaqtyń ulttyq mýzykalyq aspaby. (qobyz)
2. Qorqyt ata kitabynda kórsetilgen qazaq taıpasy (oǵyz)
3. Qorqyt ata qaı ózenniń jaǵasynda týyp - ósken? (Syrdarıa)
4. Qorqyt atanyń kúı
5. «Legenda» sózderiniń aýdarmasy. (ańyz)
6. «Tanymal» sóziniń sınonımi (ataqty)

1. Q o b y z
2. o ǵ y z
3. s y r d a r ı ıa
4. a q q ý
5. a ń y z
6. a t a q t y

V. Jańa sabaqty bekitý (suraq - jaýap)
1. Búgingi sabaqta qandaı kúıshimen tanystyq?
2. Qorqyt qaı jerde dúnıege kelgen?
3. Qorqyt kim bolǵan?
4. Qorqyt qandaı aspap jasady?

Klasster toltyrý
Vİ. Úıge tapsyrma
«Qobyz» aspabynyń sýretin salyp kelý
Vİİ. Baǵalaý
Qorqyt ata júkteý