InfoHub Logo

QYZYLORDA OPD EQQİQB tarapynan jarıalanǵan baıqaýǵa "Esirtkisiz-ómir ǵajaıyp"

Elbasynyń “Qazaqstan-2030 joldaýynda kórsetilgen ózekti máselelerdiń biri salaýatty ómir súrý, ony nasıhattaý máselesi. Adamnyń densaýlyǵy-eń mańyzdy baılyq bolǵandyqtan ony saqtap, kútý kerek.

Salaýatty ómir salty degenimiz bul eń áýeli densaýlyqty saqtaýǵa jáne nyǵaıtýǵa baǵyttalǵan belsendi is-áreket. Buǵan durys tamaqtaný, deneni shynyqtyrý, zıandy áreketterden:temeki shegýden, ishimdikten, esirtki jáne basqa da zattardan aýlaq bolý jatady. Sebebi, qazirgi tańda kóptegen jastar jańa zattarǵa áýes bolyp, osyndaı zıandy áreketterge baryp jatady. Onyń biri- esirtki.

Esirtki-adam ómirin qurdymǵa súırep, oǵan úlken zıanyn tıgizetin hımıalyq  zat. Ony bir qoldanǵannan-aq esten aıyryp, adamdy aýrý qylyp, ózine táýeldi etedi. Qazirgi kezde esirtkini tyǵylyp saqtap, satyp, tutynyp júrgen adamdar qanshama, jáne olardyń qolǵa túskenderi úlken qylmystyq jazalarǵa tartylyp jatyr. Ókinishtisi, ol bizdiń Qazaqstanǵa da jetken. Esirtkini ózin jaqsy sezinip, kúızelý nemese sharshaǵan jaǵdaıyn ketirý úshin qoldanady. Biraq onyń zıany óte úlken ekenine kóńil bólip qaramaıdy. Sondyqtan kóptegen jastar osyǵan qumarlyq tanytady. Bul-nashaqorlyq dep atalady. Ózgeler oǵan osy zıandy zattardy tutynyp kórýge keńes beredi. Solaısha jastar oǵan eliktep onyń dámin tatyp kóredi, jáne basqalaryda budan qalyspaı, pózin eresek adam retinde kórsetkisi kelip, odan lázzat alady. Al ýaqyt óte kele onyń zıandy jaqtaryda áser ete bastaıdy. Bul esirkini olar aqsha tabý maqsatynda qoladanady. Sol arqyly ol óziniń jáne ózgeniń ómirine balta shabady.

Al esirtkisiz ómir she? Esirtkisiz ómir-ǵajaıyp. Sebebi, eń aldymen seniń deniń saý, bolashaǵyń jarqyn, jaqyn adamdaryń janyńda, ómiriń baqytty bolady. 

Biz jastar-elimizdiń jarqyn bolashaǵymyz. Qazaqstannyń bolashaǵy-bizdiń qolymyzda. Jarqyn bolashaq, máńgilik el úshin deni saý, bilimdi, bilikti, aqyl-esi durys, aldyna maqsat qoıyp, sol maqsatyna jete biletin jas urpaq qajet. Bizde sondaı bola alamyz, tek jaman ádetterge, zıandy áreketterge eliktemeı, óz jónimizben, túzý jolymyzben júrýimiz kerek. Jaqsy bilim alyp, jaqsy maman ıesi bolyp, elge adal qyzmet etý bizdiń paryzymyz. Sebebi, biz eldiń qamyn qazirden bastap oılaıtyn jas býynbyz. Sondyqtan esirtkisiz ótken baqytty shaqtarymyzdyń qadirin bilý kerekpiz.

Almataı Zarına

Qyzylorda qalasy

"Abaı" atyndaǵy daryndy balalarǵa arnalǵan mekteptiń 9 "r" synyp oqýshysy 

---