InfoHub Logo

Mańǵystaý oblysynda 24 jastaǵy azamat tanystarynyń atynan onlaın nesıe rásimdep, alaıaqtyq jasaǵan. Ol jalpy somasy 6 542 284 teńgege shyǵyn keltirgen.

Bul týraly Infohub.kz aqparat agenttigi habarlaıdy.

Fotosessıa arqyly aldaý

Alaıaq azamat tanystarynyń uıaly telefondaryn alyp, bank qosymshalary men mıkroqarjy uıymdary arqyly olardyń atynan nesıe rásimdegen.

Ótken jyldyń shilde aıynda ol Aqtaýda eki adamdy aldaǵan. Onyń biri týysy bolatyn. Fotosessıa jáne bıometrıalyq sáıkestendirýden ótý syltaýymen ol telefonǵa qol jetkizip, eki bankten jáne bes MQU-dan 1 797 950 teńgege nesıe alǵan.

Ekinshi jábirlenýshiniń telefonyn da dál osylaı ıelenip, bir bankten jáne bir MQU-dan 574 myń teńgege nesıe rásimdegen. Tamyz aıynyń sońynda ol aýyldasyn aldap, eki bankten jáne úsh MQU-dan 4 170 334 teńgege nesıe alǵan.

Sot jáne jaza

Aıyptalýshy kinásin moıyndap, ókingenin bildirip, keltirilgen zalaldy óteýge ýáde berdi. Sot ony QR Qylmystyq kodeksiniń 190-baby 3-bóliginiń 1 jáne 4-tarmaqtary boıynsha – «Birneshe ret jáne iri mólsherde jasalǵan alaıaqtyq» boıynsha kináli dep tanydy.

Ol ortasha qaýipsizdik mekemesinde 3 jylǵa bas bostandyǵynan aıyryldy. Sonymen qatar, sot jábirlenýshilerdiń talaptaryn qanaǵattandyryp, sottalǵandy 6 542 284 teńge kóleminde materıaldyq zalaldy jáne shamamen 144 myń teńge sot shyǵyndaryn óteýge mindettedi.