instagram.com/coventrycityfcofficial
Frenk Lempard "Koventrıdi" 25 jyldan keıin APL-ge qaıtardy
Anglıanyń ataqty "Chelsı" klýbynyń burynǵy oıynshysy ári bapkeri Frenk Lempard "Koventrı Sıtıdi" Anglıa Premer-lıgasyna (APL) shyǵardy. Bul komanda úshin 25 jyldaǵy alǵashqy jetistik.
Bul týraly Infohub.kz aqparat agenttigi habarlaıdy.
"Koventrıdiń" APL-ge joly
43-shi týrda "Blekbernmen" ótken kezdesýde "Koventrı" teń oınasa boldy, joǵary lıgaǵa shyǵatyn edi. Machtyń 84-shi mınýtynda komanda esepte artta qalǵanymen, qorǵaýshy Bobbı Tomas sońǵy mınýtta gol soǵyp, komandasyn jeńilisten qutqardy.
Klýb sońǵy ret Anglıanyń joǵary dıvızıonynda 2000/01 maýsymynda óner kórsetken bolatyn.
Lempardtyń "Koventrıdegi" mansaby
47 jastaǵy maman komandany 2024 jyldyń qarasha aıynda basqardy. Ótken maýsymda ol komandany APL-ge shyǵarýǵa jaqyn qalǵanymen, pleı-off kezeńinde "Sanderlendke" ese jibergen edi. Bıylǵy maýsymda "Koventrı" lıgada kósh bastap, 43 kezdesýde 86 upaı jınady.
Sonymen qatar, "Koventrı" Anglıanyń ekinshi deńgeıli lıgasynyń chempıondyǵyna da jaqyn tur. Komanda "Ipsvıch Taýnnan" 11 upaı alda keledi, biraq qarsylastyń eki oıyny qaldy.
-
Qazaqstanda memlekettik grantpen oqyǵan túlekterden grantty óteý talap etiledi. Sońǵy eki jylda 3406 túlek sot arqyly qarjyny qaıtarýǵa májbúr boldy. Bul týraly tolyǵyraq bilińiz.
-
Irannyń Joǵarǵy kósemi Modjtaba Hameneı el armıasyna joldaǵan úndeýinde AQSH pen Izraılge jańa soqqylar beretinin málimdedi.
