InfoHub Logo

Petropavlovsk qalasyndaǵy sot otyrysynda «Frıdom Fınans» kompanıasynyń burynǵy top-menedjeri Vıtalıı Svetovoıdyń alaıaqtyq isi boıynsha áriptesterine ondaǵan mıllıon teńge aýdarǵany anyqtaldy. Bul aqshalar mıllıarder Tımýr Týrlovtyń «Frıdom Bank Kazahstan» arqyly jiberilgen.

Bul týraly Infohub.kz aqparat agenttigi habarlaıdy.

Sotqa usynylǵan qujattarǵa sáıkes, Svetovoı «Frıdom Fınans» fılıalynyń dırektory Danıar D.-ǵa 5 mıllıon teńgege jýyq qarajatty «óteýsiz» dep kórsetip aýdarǵan. Bul operasıalardyń barlyǵy «Frıdom Bank Kazahstan» arqyly júzege asqan.

Sondaı-aq, kompanıa qyzmetkeri Arman D.-ǵa 3 mıllıon teńgege jýyq, al Erkin M.-ge 50,6 mıllıon teńgege jýyq qarajat «óteýsiz» aýdarylǵan. Bul aýdarymdar da dál osy bank arqyly jasalǵan.

Budan bólek, Erlan R. esimdi qyzmetkerge 6,2 mıllıon teńgeden astam, «Frıdom» dırektory Alıbek S.-ǵa 9 mıllıon teńgeden astam qarajat «óteýsiz» jiberilgen. Astana turǵyny jáne «Frıdom Fınans» qyzmetkeri Nursultan T. 4,1 mıllıon teńgeden astam qarjyny alǵan, onyń bir bóligi «materıaldyq kómek» retinde kórsetilgen.

Almatylyq qyzmetker Almas Sh. da 6 mıllıon teńgege jýyq «óteýsiz» aýdarymdy dál osy bank arqyly alǵan. Rýzana A.-ǵa 900 myń teńge, Nıkolaı M.-ge 120 myń teńgege jýyq «óteýsiz» aýdarymdar da tirkelgen.

Atalǵan qyzmetkerlerdiń famılıalary men aqsha aýdarymdarynyń faktisi prokýrordyń aıyptaý qorytyndysymen jáne sottaǵy jaýaptarmen rastalǵan. Bul qujattar Týrlovtyń qurylymdary Svetovoıdyń áreketteri týraly bilmeýi múmkin emes degen ustanymdy kórsetedi.

Qomaqty qarjyny «óteýsiz» aýdarý faktisi boıynsha sot prosesi áli jalǵasýda.