InfoHub Logo

Joǵary tehnologıalar ǵasyrynda zamanaýı telefon nemese noýtbýksyz ómir súrý qıyn, alaıda eń tamasha delingen qurylǵynyń da kemshilikteri bolady: qýaty tez taýsylyp qalady.

Zamanaýı gadjetter uzaq ári ónimdi jumys isteýi úshin olardy qalaı durys qýattaý kerektigi jaıly birneshe keńes:

1. Qurylǵyny jıi qýattańyz

Batareıasy tolyq otyryp qalýyna deıin jetkizbeńiz. Zamanaýı gadjetterde qoldanylyp júrgen lıtıı-ıondyq akýmýlátorlarda este saqtaý áseri dep atalatyn áser joq, sondyqtan olardy qýaty sóngenshe ustamaı, jıi qýattap otyrý kerek.

Kóptegen óndirýshiler lıtıı-ıondyq akýmýlátordyń jaramdylyq merzimin qýaty qansha ret tolyqtaı óshkeniniń (0%-ǵa deıin) sıklimen sanaıdy. Sapaly akýmýlátorlar úshin bul 400-600 sıkl. Lıtıı-ıondyq akýmýlátoryńyz uzaq ýaqyt boıy sizge qyzmet etkenin qalasańyz telefonyńyzdy jıi qýattap otyryńyz. Eń durysy, batareıa qýatynyń deńgeıi 10-20%-dan tómendese telefondy qýattaǵyshqa qoıýǵa bolady. Bul akýmýlátordyń otyryp qalý sıklin 1000-1100-ge deıin tómendetedi.

2. Qurylǵyny qýattaǵyshtan ýaqytynda alyńyz

Gadjetińiz 50-80%-ǵa deıin qýattalyp otyratyn bolsa uzaǵyraq qyzmet etetin bolady. Eger akýmýlátor 100%-ǵa deıin qýattalsa, ony ýaqytynda toqtan alǵan jón, óıtkeni bul faktor batareıanyń qyzmet etý ǵumyryna áser etedi. Sondyqtan qurylǵyny túni boıy qýattalýǵa qaldyrmaýǵa tyrysý kerek.

3. 3 aıda bir ret qurylǵyny 100%-ǵa deıin qýatyn otyrǵyzyp, qaıta qýattandyrý kerek.

Nólge deıin qýatyn otyrǵyzý sıaqty, uzaq ýaqyt boıy tolyqtaı qýattandyrý da lıtıı-ıondyq akýmýlátorlar úshin zıan. Qurylǵyny turaqsyz qýattandyrý prosesterinen (biz kóbine telefondy qalaı bolsa solaı qýattandyramyz: keıde USB arqyly, rozetkadan, syrtqy akýmýlátordan jáne t.b.) mamandar 3 aıda bir ret akýmýlátordy tolyqtaı otyrǵyzyp, qaıta 100%-ǵa deıin qýattandyrýdy jáne solaı qýattandyrǵyshta 8-12 saǵat ustap turýdy usynady.

4. Gadjettiń óziniń qýattaǵysh qurylǵylaryn paıdalanyńyz

Kóp jaǵdaıda qýattaǵysh qurylǵy mobıldi qurylǵylarǵa tikeleı ornalasqanyn, al syrtqy jelilik adapter kúsh túsýdi jeńildetip, turmystyq elektrojeliniń toǵyn túzetetinin, ıaǵnı batareıaǵa tikeleı áser etpeıtinin bireý bilse, bireý bilmeıdi.

Keıbir gadjetter, mysaly sandyq fotokameralar, ishteı ornatylǵan qýattaǵysh qurylǵydan aıyrylǵan, sondyqtan olardyń lıtıı-ıondyq akýmýlátorlaryn syrtqy qýattaǵyshqa ornalastyrady. Dál osy jaǵdaıda sapasyz qýattaǵyshty paıdalaný batareıanyń eńbekke qabilettiligine keri áser etýi múmkin.

5. Qatty qyzdyrmaýǵa tyrysyńyz

Lıtıı-ıondyq akýmýlátorlardyń basty jaýy joǵary temperatýra: qatty qyzýǵa tózimsiz. Sondyqtan mobıldi qurylǵylarǵa kún sáýlesiniń tikeleı túsýine jol bermeńiz, sonymen qatar jylý qubyrlarynyń janyna tastamańyz. Lıtıı-ıondyq akýmýlátorlardy paıdalanýǵa bolatyn temperatýra mólsheri — 40 °C-tan + 50 °C-qa deıin.
 

---