InfoHub Logo

Ózin ózi taný páni muǵalimi Mýstafına Gýlmıra Kýanyshevna

7 synyp
Ǵalamshar ǵajaptary

Maqsaty: oqýshylarǵa ǵalam qundylyǵy týraly bilim berý.
Mindetteri:
- oqýshylarǵa bolmys, jaratylys, ǵalam týraly túsinik berý;
- qorshaǵan jaratylysqa degen jasampazdyq kózqarastaryn qalyptastyrý;
- qorshaǵan jaratylysqa degen izgi qarym - qatynasqa tárbıeleý;
Kórnekilikter: fotosýretter, úntaspa.
Shattyq sheńberi:
Muǵalim oqýshylarmen amandasqannan keıin olardy shattyq sheńberine shaqyryp, T. Muhametjanovtyń « Qus joly» ánin qosylyp oryndaıdy.

Áńgimelesý:
Oqýlyqta berilgen suraqtarǵa súıene otyryp, bul ádistemelik tásilde muǵalim adamnyń qorshaǵan ortamen baılanysy, onyń syrlaryn bilýge umtylysy týraly oqýshylardyń túsinikterin keńeıtýge múmkindik beredi.
Qorshaǵan ortany qabyldaýda adam qandaı sezimderge bólenedi?
Adamnyń qorshaǵan ortamen baılanysy onyń óz ómirinen qalaı kórinedi?
Aınalamyzdaǵy ásemdikti seziný úshin senderge ne kómektesedi?

Mátinmen jumys:
Oqýshylardyń oqý aqparatynan alǵan túsinikterin keńeıte túsý maqsatynda U.Dospanbaevtyń «Ǵarysh áni» atty áńgimesin oqý tapsyrylady.
Avtor adamnyń ǵaryshpen baılanysyn ne arqyly kórsetedi?
Ǵarysh áni qandaı bolý kerek dep oılaısyń?
Aınalamyzdaǵy ásemdikti sezinýge senderge ne kómektesedi?
Qorshaǵan ortadan esh sulýlyqty kórmeıtin adamdar bola ma?
Adam sulýlyqty sezinýi úshin ne isteýi kerek?

Dáıeksóz:
«Dáıeksóz» aıdarymen berilgen « Ǵalamnyń ǵajaıyp syry - adamda» degen Charlz Dúktiń naqyl sózin oqyp, taldaý jasaǵannan keıin muǵalim ózi qorytyndylaıdy. Dáıeksózde bolmystyń eń keremet týyndysy adam ekendigin, onyń múmkinshiliginiń sheksizdigi, ómirdegi jetistikterdiń kópshiligi adam eńbeginiń túsindirý maqsat etiledi.

Júrekten júrekke:
Sabaqtyń sońynda oqýshylar sheńberge turyp, J.Syzdyqovtyń « Keremettiń kiltin ber» óleńin bir nemese birneshe oqýshy oqyp, bir - birine rızashylyǵyn bildiredi. Múmkindik bolsa, jaqsy áýenmen súıemeldeýge nemese fonogram qosýǵa bolady.