tengrinews.kz
Generalnaıa prokýratýra túsindirdi: Nege Olesá Keksel áýejaıda júrdi?
Atyshýly is boıynsha úı qamaǵynda otyrǵan burynǵy joǵary laýazymdy tulǵa Olesá Kekseldiń áýejaıda júrgeni týraly aqparat áleýmettik jelide tarap, kópshiliktiń nazaryn aýdardy. Bul jaǵdaıǵa qatysty Bas prokýratýra resmı túsinikteme berdi.
Bul týraly Infohub.kz aqparat agenttigi habarlaıdy.
Tergeý amaldaryna qatysý úshin Almatyǵa barǵan
Bas prokýratýranyń málimetinshe, Keksel 20 aqpan men 23 sáýir aralyǵynda tergeý amaldaryna qatysý úshin Almaty qalasynda bolǵan. Qajetti rásimder aıaqtalǵan soń, ol Astanaǵa oralǵan jáne úı qamaǵyndaǵy bultartpaý sharasy jalǵasýda.
Áleýmettik jelidegi sýretter
Áleýmettik jelide Kekseldiń áýejaıda túsirilgen sýretteri paıda bolǵannan keıin, jaǵdaıǵa qatysty narazylyqtar aıtyldy. Sýretterdiń avtorlary tergeý jalǵasyp jatqan kezde kúdiktiniń qalalar arasynda erkin júrip-turýyna jol berilgenine tańdanys bildirgen.
Kekseldiń isi
Olesá Keksel adamdy azaptaý isine qatysy bar degen kúdikke ilingen bolatyn. Buǵan deıin Bas prokýrordyń orynbasary Ǵalymjan Qoıgeldıev sot kúdiktiniń kishkentaı sábıi bar ekenin eskerip, úı qamaǵyna alý týraly sheshim qabyldanǵanyn aıtqan edi.
Olesá Keksel – quqyq qorǵaý organdarynda buryn joǵary laýazymdardy atqarǵan tulǵa. Ol Sybaılas jemqorlyqqa qarsy is-qımyl ulttyq búrosynyń tergeý departamenti bastyǵynyń orynbasary qyzmetin atqaryp, keıinnen Bas prokýratýranyń arnaıy prokýrorlar qyzmetin basqarǵan. 2017 jyly «Jyl memlekettik qyzmetkeri» ataǵyna ıe bolǵan.
-
Izvestnyı prodúser Gúlzıra Aıdarbekova podelılas svoımı perejıvanıamı pered predstoıasheı operasıeı, poprosıv podderjkı ý podpıschıkov.
-
Memlekettik uıym telefon nómirin tekserý qyzmetin atqarady. Bul týraly Sıfrlyq damý, ınovasıalar jáne aeroǵarysh ónerkásibi vıse-mınıstri Rostıslav Konáshkın málimdedi.
