InfoHub Logo

Elimizde uıaly telefondardy tekserý tásili ózgerýi múmkin. Jekemenshik kompanıalardyń ornyna bul fýnksıany memlekettik uıym atqaratyn bolady. Bul týraly Sıfrlyq damý, ınovasıalar jáne aeroǵarysh ónerkásibi birinshi vıse-mınıstri Rostıslav Konáshkın málimdedi.

Bul týraly Infohub.kz aqparat agenttigi habarlaıdy.

Memlekettik monopolıaǵa kóshý

Vıse-mınıstrdiń aıtýynsha, bul másele úkimet deńgeıinde qaralǵan jáne qaǵıdattyq sheshim qabyldanǵan. Endi telefondardy tekserý qyzmetin 100% memlekettik kompanıa atqaratyn bolady.

«Qazirgi tańda bul másele úkimettiń qatysýymen qaraldy. Telefondardy tekserý qyzmetin memlekettik uıym kórsetetin bolady degen sheshim qabyldandy», - dedi Konáshkın.

Onyń sózinshe, bul úshin qajetti zańnamalyq ózgerister ázirlenip jatyr. Olar Májiliste qaralyp, maquldansa, memlekettik kompanıa bul qyzmetti atqaratyn bolady.

Tutynýshylardyń shaǵymdary

Buǵan deıin qazaqstandyqtar uıaly qurylǵylardy IMEI kodtary arqyly mindetti túrde tekserýge qatysty shaǵymdaryn bildirgen bolatyn. Depýtat Bolatbek Najmetdınov úkimetke resmı saýal joldap, bul rásimdi konkýrstan tys, resmı mártebesi men quqyqtyq negizi joq jeke kompanıanyń júzege asyryp otyrǵanyna alańdaýshylyq bildirgen edi.

Eske sala keteıik, buǵan deıin Qazaqstanda uıaly qurylǵylardy tirkeý erejeleri jańartylǵan bolatyn. Abonenttik qurylǵylardy tirkeýde aq, sur jáne qara tizimder engizildi. Aq tizimge tekserýden ótken jáne derekter bazasyna engizilgen qurylǵylar kiredi. Sur tizimge qosymsha tekserýdi talap etetin, biraq jelide ýaqytsha, 30 kúnge deıin jumys isteýge ruqsat etilgen apparattar engizildi. Qara tizimge durys emes nemese ózgertilgen sáıkestendirý kody bar, zaýyttyq IMEI nómiri joq nemese GSMA halyqaralyq qara tizimine engizilgen qurylǵylar kirdi.

Alaıda, keıinnen áleýmettik jelilerde smartfondardy tirkeýge qatysty qazaqstandyqtardyń shaǵymdary kóbeıdi. Shetelden nemese qoldan satyp alynǵan telefondardyń «kirpishke» aınalyp jatqany týraly aqparattar tarady. Júıe IMEI kodtaryn qabyldamaı qoıdy, al naryqta deldaldar 30-50 myń teńgege máseleni sheshýdi usynyp úlgerdi.