Photo: Njay Minh Nhựt (https://www.pexels.com/@njmn) / Pexels
Gennadıı Golovkınniń reseılik boksshylarǵa qatysty úkimi
World Boxing halyqaralyq boks federasıasy reseılik jáne belarýstik sportshylardy óz jarystaryna beıtarap mártebede qatysýǵa ruqsat berdi. Bul sheshimdi uıymnyń baspasóz qyzmeti habarlady.
Bul týraly Infohub.kz aqparat agenttigi habarlaıdy.
Jańa ereje boıynsha, reseılik jáne belarýstik sportshylar, jattyqtyrýshylar men resmı tulǵalar halyqaralyq jarystarǵa qatysa alady. Alaıda, olar óz elderiniń týyn, ulttyq kıimderin nemese ánurandaryn qoldana almaıdy. Olarǵa qatysty muqıat tekserý júrgiziledi.
AIN mártebesi
Jarys kezinde el týyn nemese ulttyq federasıa logotıpin qoldanýǵa tyıym salyndy. Eger AIN (Jeke beıtarap sportshylar) sanatyndaǵy sportshy altyn medal alsa, ulttyq ánuran oryndalmaıdy. Medal alǵan jaǵdaıda, marapattaý rásiminde AIN logotıpi qoldanylady. Boksshylardyń kıimderinde "RUS" nemese "BLR" degen jazýdyń ornyna "AIN" dep jazylady.
AIN delegasıasynyń múshelerine resmı is-sharalar kezinde, sonyń ishinde tirkeý, jerebe tartý, salmaq ólsheý nemese tehnıkalyq keńesterde óz eliniń týy nemese logotıpi bar kez kelgen zatty kıýge ruqsat etilmeıdi. Bul prosedýra World Boxing atqarýshy keńesinde maquldanyp, Halyqaralyq Olımpıada komıtetiniń (HOK) tásiline sáıkes keledi.
Aıta keteıik, 2025 jyldyń 23 qarashasynan bastap Gennadıı Golovkın World Boxing halyqaralyq boks uıymynyń prezıdenti bolyp tabylady.
-
Belgili ánshi Roza Rymbaeva Qazaqstannyń tuńǵysh prezıdenti Nursultan Nazarbaevpen kezdesken sátin eske alyp, sol kezdegi jaǵdaıdy baıandady.
-
World Boxing has decided to permit athletes from Russia and Belarus to participate in competitions under a neutral status, aligning with IOC recommendations.
