InfoHub Logo

Greıpfrýt – sıtrýsty jemis. Ol apelsın men pomelonyń toǵysýynan paıda bolǵan jemis. Greıpfrýt aǵashynyń uzyndyǵy 12 metrge deıin jetedi, al jemisiniń almaǵy - 500 gram.

Greıpfrýt – qunarlylyǵy tómen jáne dıetalyq ónim. Onyń 100 gr-da  bar bolǵany 32 kkal bar. Konservilengen greıpfrýttyń qunarlylyǵy – 37 kkal, al greıpfrýt shyrynynda 100 gr-ǵa 30 kKal. Greıpfrýt máıeginiń quramynda kóptegen paıdaly zattar bar.  Olardyń ishinde A, RR, S, D, V1, B2, V9 dárýmenderi; kalıı, magnıı, kálsı, fosfor, natrıı, ıod, jelezo, kobált, med, marganes, sınk, ftor mıneraldary, jasunyq, antıoksıdanttar men karotınoıdtar bar. 

Greıpfrýt artyq salmaqpen kúresetin dıetalyq azyq bolyp sanalady. Bul onyń quramynda holesterındi ydyratatyn jáne shyǵaratyn, zat aınalymyn jyldamdatatyn jáne qant deńgeıin azaıtatyn zattardyń bolýymen baılanysty. Qan quramyndaǵy holesterınniń deńgeıin qalyptastyrý jáne dıabet kezinde ınsýlındi qoldanýdy azaıtý úshin dıetologtar kúnine kem degende bir greıpfrýtty jeýdi usynady.   
Asqazan sóliniń qyshqyly tómen bolýyna baılanysty asqazan-ishek joldarymen aýyratyn adamdarǵa da dárigerler 200-250 gr greıpfrýt shyrynyn ishýge keńes beredi. Jasy ulǵaıǵan adamdardyń greıpfrýt qoldanýy arterıalyq qysymdy tómendetýge jáne aterosklerozdyń belgilerimen kúresýge kómektesedi. Sonymen birge, greıpfrýttyń quramyndaǵy zattar uıqyny retteıdi, júıke júıesiniń jumysyna oń áserin tıgizedi, bas aýyrýyn azaıtady.

Quramyndaǵy dárýmender ımýndyq júıeni nyǵaıtady jáne isikti basady. Greıpfrýttyń efır maıy tynyshtaldyratyn jáne demaldyratyn qasıetke ıe, sondyqtan ony vanaǵa nemese aroma shamǵa qosýǵa bolady.

Greıpfrýttyń zıany bar ma?

Asqazanda jarasy bar, asqazanynda qyshqyl quramy basym keletin adamdarǵa jeýge bolmaıdy. Bala kótertpeıtin dárilerdi qabyldaıtyn áıelderge de jeýge bolmaıdy, sebebi ol dárini jaramsyz etip, densaýlyqqa da keri áserin tıgizýi múmkin. Sonymen qatar bul jemisti qan qysymyn azaıtatyn dárilermen qatar qabyldaýǵa bolmaıdy.

Eger búıregińiz aýratyn bolsa bul jemisti jeýge bolmaıdy. Sonymen qatar greıpfrýtty únemi jeseńiz, tis emaly buzylady.

---