InfoHub Logo

Tanymal prodúser Gúlzıra Aıdarbekova sińlisi Sáýle Bazarhannyń ómirden ozǵanyna qatty qaıǵyrǵanyn jetkizdi. Ol bul týraly áleýmettik jelidegi paraqshasynda jazba jarıalady.

Bul týraly Infohub.kz aqparat agenttigi habarlaıdy.

Aıdarbekovanyń aıtýynsha, sińlisiniń kenetten qaıtys bolýy onyń janyna qatty batqan. Ol ómirdiń qysqalyǵyn jáne jaqyndardy baǵalaýdyń mańyzdylyǵyn eske saldy.

«Sáýleshim, az ómirdi baǵalaý kerek ekenin meńzep ketkendeı boldy maǵan»

Gúlzıra Aıdarbekova sińlisiniń eshkim týraly jaman sóz aıtpaıtyn, eshkimdi dattamaıtyn tamasha jan bolǵanyn atap ótti. «Bárimizdiń mekenimiz bir, erteli-kesh ketemiz dep ózimizdi jubatqanmen, ókinish órteı beredi eken. Bir jaqsy adamyńnan aıyrylǵanyń ishińdi órteı beredi…», — dep jazdy ol.

Prodúser sondaı-aq, sińlisimen birge álemniń túkpir-túkpirine saıahattap barǵan estelikteri týraly da aıtyp ótti. «Ne degen tolassyz hattar, pablıktiń qaısysyn ashsań da — “Sáýleshim…”», — dep jazbasyn qorytyndylady.