InfoHub Logo

Shymkentte polısıanyń zańsyz reıdteri týraly aryzdardan keıin prokýratýra tergeýdi qolǵa aldy. Bul týraly "Sin Yuan Steel" JSHS-niń ınvestısıalyq prokýrorlarǵa joldaǵan shaǵymynan belgili boldy.

Bul týraly Infohub.kz aqparat agenttigi habarlaıdy.

Basylymnyń habarlaýynsha, Shymkentte shamamen 10 jyldan beri jumys istep kele jatqan "Sin Yuan Steel" metalýrgıa zaýyty polısıanyń arnaıy jasaǵynyń (ÝBOP) reıdterinen keıin daýdyń ortasynda qaldy. Zaýyt ókilderiniń aıtýynsha, kúsh qurylymdary Ózbekstannan kelgen anonımdi qońyraýdan keıin, ıaǵnı adamdardy zańsyz ustap otyr degen kúdikpen kásiporyn aýmaǵyna kirgen. Alaıda, keıinnen polısıa júrgizgen tekserýde zorlyq-zombylyq nemese májbúrli eńbek faktileri rastalmaǵan.

Reıdten keıin Qytaıdyń 80-ge jýyq azamaty polısıaǵa jetkizilgen. Olardyń shamamen 50-i dereý bosatylǵanymen, 20-ǵa jýyq azamat eki aptadan astam ýaqyt arnaıy qabyldaý mekemesinde bolǵan. Tipti, óndiristi keńeıtýge ondaǵan mıllıon dollar ınvestısıalaýdy talqylaýǵa kelgen ınvestorlar da qamaýda otyrǵan.

Kásiporyn ókilderiniń málimetinshe, Qytaı azamattaryn 30 táýlikke arnaıy qabyldaý mekemesine tosý týraly sot sheshimine qaramastan, keshkisin barlyǵy bosatylǵan. Zaýyt basshylarynyń aıtýynsha, kásiporyn resmı túrde jumys isteıdi, jyl saıyn shamamen 5 mıllıard teńge salyq tóleıdi jáne jumys istegen jyldarynda zaýytqa shamamen 80 mıllıon dollar ınvestısıa salynǵan.