Photo: Ayazhan (https://www.pexels.com/@ayazhan-3173683) / Pexels
Iana Legkodımovanyń anasyna qylmyskerlerdiń jazasyn qaıda ótep jatqany beımálim
Marqum Iana Legkodımovanyń anasy qyzynyń ólimine kináli dep tanylǵan sottalǵandardyń jazasyn qaı jerde ótep jatqanyn bilmek bolǵan. Alaıda, Qylmystyq-atqarý júıesi komıtetine júgingenmen, naqty jaýap ala almady.
Bul týraly Infohub.kz aqparat agenttigi habarlaıdy.
Resmı jaýapta sottalǵandardyń zańdy kúshine engen úkim boıynsha jazasyn ótep jatqany ǵana aıtylǵan. Al olardyń naqty qaı mekemede otyrǵany qupıa aqparat retinde qaldyryldy. Komıtet sottalǵan adamnyń basqa mekemege aýystyrylǵany týraly málimet tek jaqyn týystaryna nemese sottalǵan adamnyń ózi kórsetken adamdarǵa beriletinin túsindirdi. Jeke is qujattaryndaǵy derekterdiń jarıa etilmeıtini de aıtyldy.
Túrli boljamdar men resmı jaýaptyń joqtyǵy
Qazir sottalǵandardyń qaıda jazasyn ótep jatqanyna qatysty túrli boljamdar aıtylýda. Buǵan deıin olardyń ómir boıyna bas bostandyǵynan aıyrylǵandar otyratyn «Qara búrkit» mekemesine jiberilgeni týraly aqparat taraǵan edi. Alaıda, bul derek te, keıin shyqqan basqa beıresmı aqparattar da resmı túrde rastalmady.
Ananyń úmiti men talaby
Galına Legkodımova mundaı suraýdy jaı qyzyǵýshylyqpen emes, qyzyn óltirgen adamdardyń zańda qarastyrylǵan tıisti mekemede jazasyn ótep jatqanyna kóz jetkizý úshin joldaǵanyn aıtty. Ol jańa ómir bastap, basqa qalaǵa kóship, ári qaraı ómir súrýdi úırengisi keledi. Alaıda, bul oqıǵa áli de onyń janyn mazalap júr. Ol sottalǵandardyń ómir boıyna bas bostandyǵynan aıyrý jazasyn ótep jatqanyn jáne mundaı qylmys jasaǵan adamdarǵa arnalǵan jaǵdaıda otyrǵanyn bilý mańyzdy ekenin atap ótti.
Qaıǵyly oqıǵanyń mán-jaıy
Eske sala keteıik, qaıǵyly oqıǵa 2024 jyldyń 18 qazanynda bolǵan. Iana Legkodımova tanysynyń qońyraýynan keıin úıinen shyǵyp ketken. Ol tipti syrt kıimin de almapty. Qyz kólikke otyrǵannan keıin ony eshkim kórmegen. Anasy issapardan oralǵan soń birden dabyl qaqqan. Tergeý kezinde polısıa Iana Legkodımovanyń kúndeligin taýyp, onda R. esimdi jigittiń aty atalǵanyn anyqtaǵan. Keıin osy derek arqyly 24 jastaǵy Rızýan Haırjanov pen 25 jastaǵy Altynbek Qamıtov anyqtalǵan.
-
Mańǵystaýdan Semeıge bara jatqan №37 jolaýshylar poıyzynyń vagonynda qurttardyń paıda bolýyna qatysty shaǵymdar tústi. Áleýmettik jelide jolaýshylar túsirgen vıdeo tarady.
-
The mother of Yana Legkodimova, who was tragically killed, has been unable to ascertain the location where the convicted individuals are serving their sentences.
