InfoHub Logo

Amerıkalyq kásipker ári mıllıarder Ilon Mask Vengrıadaǵy jańa bıliktiń artynda amerıkalyq qarjyger ári fılantrop Djordj Sorostyń qorlary turǵanyn aıtty.

Buǵan deıin Sorostyń uly Vengrıadaǵy parlament saılaýyna qatysty pikir bildirip, opozısıalyq "Tısa" partıasy daýystardyń 98,79 paıyzy sanalǵannan keıin 199 orynnyń 138-in ıelenip, alda kele jatqanyn aıtqan. Ol vengr halqy "óz elin qaıtaryp aldy" dep málimdegen.

"Sorostyń uıymy Vengrıada bılikti basyp aldy", - dep jazdy Mask áleýmettik jelide qarjyger ulynyń jazbasyna pikir bildire otyryp.

Djordj Soros kim?

Djordj Soros - vengr tekti amerıkandyq treıder jáne ınvestor. Ol "Ashyq qoǵam" qaıyrymdylyq uıymdary jelisin qurǵan. Medıada Soros óte qaıshylyqty tulǵa retinde tanymal: bireýler ony demokratıa men bilimdi qoldaıtyn fılantrop dese, ekinshiler ony sansyz "túrli-tústi revolúsıalardy" qarjylandyrýmen jáne jahandyq basqarýmen baılanystyratyn yqpaldy spekýlánt pen "sur kardınal" sanaıdy. Soros qorlary birneshe memlekette bıliktiń aýysýyn uıymdastyrdy degen aıyptarǵa jıi ushyraǵan.

BAQ-ta Sorosty AQSH Demokratıalyq partıasymen jıi baılanystyrady. AQSH prezıdenti Donald Tramp bolsa, AQSH-taǵy narazylyq aksıalarynyń artynda Soros pen basqa da solshyl radıkaldar turǵanyn málimdegen.

Vengrıadaǵy saılaý

Jeksenbi kúni, 12 sáýirde Vengrıada parlament saılaýy ótti. Onda eldiń kelesi premer-mınıstri kim bolatyny da anyqtaldy. Daýystardyń 90 paıyzdan astamy sanalǵannan keıin, opozısıalyq eýropashyl "Tısa" partıasynyń jetekshisi Peter Madár aıqyn basymdyqpen jeńiske jetti. Onyń partıasy parlamentte konstıtýsıalyq kópshilikke ıe bolyp, basqa fraksıalardyń qoldaýynsyz zań qabyldaı alatyn múmkindikke ıe boldy.

16 jyl bılikte bolǵan burynǵy premer-mınıstr Vıktor Orban óz partıasy úshin nátıjeni "aıqyn jáne aýyr" dep moıyndady. Madár Orban úkimetin dereý otstavkaǵa ketýge shaqyrdy.