InfoHub Logo

Iran AQSH-pen kelissózderdi qaıta bastaý úshin úsh negizgi talapty alǵa tartty. Bul týraly lıvandyq Al Mayadeen telearnasy habarlady.

Aqparatqa súıensek, Irannyń talaptaryna soǵystyń qaıta bastalmaýyna kepildik berý, tolyq ıadrolyq otyn sıklin alý jáne ótemaqy tóleý máseleleri kiredi.

Bul talaptar AQSH pen Izraıldiń Iranǵa qarsy operasıasy aıasynda qoıyldy. AQSH pen Izraıl 28 aqpanda Iranǵa qarsy operasıa bastap, onyń maqsaty Tegerannyń ıadrolyq qarý alýyna jol bermeý ekenin málimdegen bolatyn. Vashıngton Iran flotyn, qorǵanys ónerkásibin joıýǵa jáne el azamattaryn bılikti qulatýǵa shaqyrdy.

Sońǵy málimetter boıynsha, AQSH pen Izraıldiń Irandaǵy shabýyldarynan kem degende 1300 adam qaza tapty. Olardyń qatarynda joǵarǵy dinı basshy Alı Hameneı de bar. 9 naýryzda Sarapshylar keńesi Irannyń jańa joǵarǵy dinı basshysynyń esimin jarıalady. Ol qaıtys bolǵan basshynyń uly Modjtaba Hameneı boldy.

BAQ-tyń habarlaýynsha, zymyrandar áskerı nysandarǵa ǵana emes, Islam Respýblıkasyndaǵy jáne aımaqtaǵy basqa da elderdegi azamattyq ınfraqurylymdarǵa da tıgen. Tegeran óz kezeginde Izraıl aýmaǵyna jáne Taıaý Shyǵystaǵy amerıkandyq bazalarǵa shabýyl jasap otyr.